រថយន្ត Mclaren ទៅបុករបាំងថ្មចែកទ្រូងផ្លូវ ខូចខាតយ៉ាងដំណំ
រាជធានីភ្នំពេញ ៖ បុរសម្នាក់បើករថយន្ត Mclaren ទៅបុករបាំងថ្មចែកទ្រូងផ្លូវ បណ្ដាលរងការខូចខាតចំនួនមួយកង់ និងរងការខូចខាតរថយន្តយ៉ាងដំណំ ។
ហេតុការណ៍នេះ បានកើតឡើងនៅតាមបណ្ដោយផ្លូវសុធារស សង្កាត់ទន្លេបាសាក់ ខណ្ឌចំការមន នាវេលាម៉ោង២យប់ ឈានចូលថ្ងៃទី០១ ខែមិនា ឆ្នាំ២០២៤ ។
តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋានបានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត Mclaren មួយគ្រឿង តាមបណ្ដោយផ្លូវសុធារស ក្នុងទិសដៅពីជើងទៅត្បូង មកដល់មុខផ្សារទំនើប ក៏បើកទៅបុករបាំងថ្មចែកទ្រូងផ្លូវបណ្ដាលរងការខូចខាតចំនួន១កង់ និងរងការខូចខាតរថយន្តតែម្តង។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានធ្វើការវាស់វែងយករថយន្តទៅរក្សាទុក រង់ចាំដោះស្រាយនៅពេលក្រោយ តាមច្បាប់បន្តទៀត ៕ Mrr Ka
