ខេត្តកណ្តាល ៖ មុខសញ្ញាជួញដូរគ្រឿងញៀនយ៉ាងសកម្មម្នាក់ ក្នុងចំណោមបក្ខពួក៣នាក់ ដែលធ្វើសកម្មភាពយ៉ាងសកម្ម នៅក្នុងស្រុកកៀនស្វាយខេត្តកណ្តាល ត្រូវបានសមត្ថកិច្ចស្រាវជ្រាវបង្ក្រាបបាន ដកហូតបាន០៨កញ្ចប់ ។

ការបង្ក្រាបនេះធ្វើឡើងនៅវេលាម៉ោង ២និង ៥៥នាទីរសៀលថ្ងៃទី២៨ ខែកុម្ភៈ ឆ្នាំ២០២៤ នៅចំណុច ភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល ។

សមត្ថកិច្ចបានឲ្យដឹងថា ជនសង្ស័យទាំង០៣នាក់ ឃាត់ខ្លួនបានម្នាក់ ២នាក់ទៀតរត់បាត់ រួមមាន ៖

១.ឈ្មោះ ស៊ុន ហ៊ុយ ភេទប្រុស អាយុ ២៤ឆ្នាំ ជនជាតិខ្មែរ មុខរបរ កសិករ មានទីលំនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្ដាល (មានសារធាតុញៀនក្នុងទឹកនោម)(ឃាត់ខ្លួន)

២.ឈ្មោះ សាយ ប៉ិច(ហៅព្រឹម) ភេទប្រុស អាយុ ៥២ឆ្នាំ ជនជាតិខ្មែរ មុខរបរ មិនពិត មានទីលំនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្ដាល (គេចខ្លួន)

៣.ឈ្មោះ ណា បូរ៉ា ភេទប្រុស អាយុ ២៨ឆ្នាំ ជនជាតិខ្មែរ មុខរបរ មិនពិត មានទីលំនៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្ដាល (គេចខ្លួន)។

ក្នុងនោះ វត្ថុតាងចាប់យករួមមាន៖

១.ម្ស៉ៅក្រាមពណ៌សរថ្លា សង្ស័យជាសារធាតុញៀន (ម៉ាទឹកកក)ចំនួន ០៨កញ្ចាប់

២.សម្ភារះប្រើប្រាស់ថ្នាំញៀនមួយចំនួន។

បច្ចុប្បន្នជនសង្ស័យរួមទាំងវត្ថុតាងត្រូវបានកម្លាំងផ្នែកនគរបាលប្រឆាំងបទល្មើសគ្រឿងញៀនស្រុកកៀនស្វាយបន្តតាមនិតិវិធី នឹងបញ្ជូនទៅកាន់ពន្ធនាគារខេត្តកណ្ដាល ៕