រាជធានីភ្នំពេញ ៖ បុរសម្នាក់បើករថយន្ដ RANGE ROVER វ៉ារថយន្ដមួយគ្រឿងទៀតមិនផុត ក៏បើករេចង្កូតបុករបាំងថ្មចែកផ្លូវបណ្ដាលឲ្យដាច់កង់ខាងមុខ រងការខូចខាតយ៉ាងដំណំ ។
ហេតុការណ៍នេះ បានកើតឡើងនៅតាមបណ្ដោយផ្លូវ២៨៩ សង្កាត់បឹងកក់ទី២ ខណ្ឌទួលគោក នាវេលាម៉ោង១០យប់ ថ្ងៃទី០១ ខែមីនា ឆ្នាំ២០២៤។
តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដ RANGE ROVER ពណ៌ស ពាក់ស្លាកលេខ ខេមរៈភូមិន្ទ01 2-8247 បើកតាមបណ្ដោយផ្លូវ ២៨៩ ក្នុងទិសដៅពីត្បូងទៅជើង មកដល់ស្ដុបផ្សារទួលគោក រថយន្ដបើករេចង្កូតបុករបាំងថ្មចែកផ្លូវបណ្ដាលឲ្យដាច់កង់ខាងមុខរងការខូចខាតយ៉ាងដំណំតែម្តង។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែងយក រថយន្ដទៅរក្សាទុករង់ចាំការដោះស្រាយនៅពេលក្រោយ តាមច្បាប់បន្តទៀត ៕ Mrr Ka
