រាជធានីភ្នំពេញ ៖ ជនសង្ស័យ២នាក់ ទើបតែចេញលួចថ្ងៃដំបូង ជិះរម៉កទៅលួចរម៉កគេមួយគ្រឿងទៀត ត្រូវបានកម្លាំងនគរបាលប៉ុស្តិ៍ដង្កោ ធ្វើការឃាត់ខ្លួនបាន ។
ហេតុការណ៍នេះបានកើតឡើងកាលពីវេលាម៉ោង ២និង៣០នាទី ថ្ងៃទី០២ ខែមីនា ឆ្នាំ២០២៤ ត្រង់ចំណុចខាងកើតផ្ទះលេខ១៥ ផ្លូវលេខ១៧ បុរីពិភពថ្មី១ ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។
ជនរងគ្រោះឈ្មោះ អ៊ីង ម៉ៅ ភេទប្រុស អាយុ២៧ឆ្នាំ មុខរបរ ជាងជួសជុលម៉ាស៊ីនត្រជាក់ ស្នាក់នៅផ្ទះលេខ១៥ ផ្លូវលេខ១៧ ភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ។
ចំណែក ជនសង្ស័យចំនួន០២នាក់ ០១/ឈ្មោះ អ៊ួច ពុទ្ធី ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅទីលានចាក់សម្រាមចាស់ ភូមិព្រែកទាល់ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ ០២/ឈ្មោះ នៅ គឹមឈុន ភេទប្រុស អាយុ២១ឆ្នាំ មុខរបរមិនពិតប្រាកដ ស្នាក់នៅភូមិឬស្សី២ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
ក្នុងនោះ សម្ភារៈបន្សល់ទុក៖ ០១/ម៉ូតូម៉ាកCITI PLUS ពណ៌ក្រហម ពាក់ស្លាកលេខ ភ្នំពេញ1GT-1455 (ម៉ូតូចាស់)សណ្តោងរ៉ឺម៉ក ចំនួន០១គ្រឿង (ជារបស់ជនរងគ្រោះ) ,ម៉ូតូម៉ាកCITI PLUS ពណ៌ក្រហម (ម៉ូតូចាស់)សណ្តោងរ៉ឺម៉ក ចំនួន០១គ្រឿង(ជារបស់ជនសង្ស័យជិះធ្វើសកម្មភាព) , កូនសោចំនួន០១ (ជារបស់ជនសង្ស័យយកធ្វើសកម្មភាព) ។
សូមបញ្ជាក់ថា កាលពីថ្ងៃ០១ ខែមីនា ឆ្នាំ២០២៤ វេលាម៉ោង៦ល្ងាច ជនរងគ្រោះបានទុកម៉ូតូម៉ាកCITI PLUS ពណ៌ក្រហម ពាក់ស្លាកលេខ ភ្នំពេញ១GT-១៤៥៥ (ម៉ូតូចាស់) សណ្តោងរ៉ឺម៉ក នៅខាងកើតផ្ទះលេខ១៥ ផ្លូវលេខ១៧ បុរីពិភពថ្មី១ ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ហើយចូលសម្រាកនៅក្នុងផ្ទះលេខ១៥ខាងលើ ។ លុះដល់វេលាម៉ោង០២និង១៥នាទី ថ្ងៃទី០២ ខែមីនា ឆ្នាំ ២០២៤ ឈ្មោះ ឡឹង ផល្លី ភេទប្រុស អាយុ២៣ឆ្នាំ និងឈ្មោះ ជឹម រឿន ភេទប្រុស អាយុ៥៦ឆ្នាំ ជាសន្តិសុខយាមនៅបុរីពិភពថ្មីខាងលើ បានឃើញជនសង្ស័យចំនួន០២នាក់ ជិះម៉ូតូម៉ាក CITI PLUS ពណ៌ក្រហម គ្មានផ្លាកលេខ (ម៉ូតូចាស់) សណ្តោងរ៉ឺម៉ក ចំនួន០១គ្រឿង ចូលទៅក្នុងបុរីពិភពថ្មី រហូតដល់វេលាម៉ោង០២និង៣០នាទី ថ្ងៃខែឆ្នាំដដែល ក៏បានឃើញជនសង្ស័យទាំងពីរនាក់ខាងលើ បានជិះម៉ូតូរ៉ឺម៉កម្នាក់មួយគ្រឿង ទី០១/ជនសង្ស័យឈ្មោះ នៅ គឹមឈុន បើកម៉ូតូម៉ាកCITI PLUS ពណ៌ក្រហម គ្មានផ្លាកលេខ សណ្តោងរ៉ឺម៉កចំនួន០១គ្រឿង ទី០២/ជនសង្ស័យឈ្មោះ អ៊ួច ពុទ្ធី បានបើកម៉ូតូម៉ាកCITI PLUS ពណ៌ក្រហម ពាក់ផ្លាកលេខភ្នំពេញ1GT-1455 សណ្តោងរ៉ឺម៉ក ចេញពីបុរីពិភពថ្មីមកវិញ។ ដោយមានការសង្ស័យសន្តិសុខទាំង០២នាក់ខាងលើ ក៏បានឃាត់ជនសង្ស័យទាំង០២នាក់ ។ ស្របពេលនោះក៏មានកម្លាំងសមត្ថកិច្ចប៉ុស្តិ៍នគរបាលរដ្ឋបាលដង្កោ ដែលកំពុងជិះម៉ូតូល្បាតតាមផ្លូវ២១៧ ដល់ច្រកចូលបុរីពិភពថ្មីខាងលើ បានឃើញហេតុការណ៍នោះ ក៏បានជួយអន្តរាគមន៍ ឃាត់ខ្លួនជនសង្ស័យទាំង០២នាក់ ខាងលើរួមនិងវត្ថុតាង យកមកធ្វើការសាកសួរនៅប៉ុស្តិ៍នគរបាលរដ្ឋបាលដង្កោតាមនិតិវីធីច្បាប់ ។
ក្រោយពីធ្វើការសាកសួរជនសង្ស័យបានឆ្លើយសារភាពប្រាប់សមត្ថកិច្ចយើងថា ពួកគេ (ជនសង្ស័យ) ពិតជាបានធ្វើសកម្មភាពលួចម៉ូតូម៉ាក CITI PLUS ពណ៌ក្រហម ពាក់ផ្លាក លេខភ្នំពេញ1GT-1455 សណ្តោងរ៉ឺម៉ក របស់ជនរងគ្រោះ ផ្ទះលេខ១៥ ផ្លូវ១៧ បុរីពិភពថ្មី ស្ថិតនៅភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ប្រាកដមែន រួចសមត្ថកិច្ចបានជូនដំណឹងទៅជនរងគ្រោះមកឱ្យមកមើលមុខជនសង្ស័យ និងម៉ូតូរ៉ឺម៉ក រួចជនរងគ្រោះបានអះអាងថា ម៉ូតូម៉ាក CITI PLUS ពណ៌ក្រហម ពាក់ផ្លាក លេខភ្នំពេញ1GT-1455 សណ្តោងរ៉ឺម៉ក ពិតជារបស់គាត់ (ជនរងគ្រោះ) ប្រាកដមែន រួចជនរងគ្រោះក៏បានដាក់ពាក្យបណ្តឹងចំឈ្មោះជនសង្ស័យដើម្បីឱ្យសមត្ថកិច្ចចាត់ការតាមផ្លូវច្បាប់តែម្តង ៕ អែល វិចិត្រ
