រាជធានីភ្នំពេញ ៖ មានការភ្ញាក់ផ្អើលដល់បងប្អូនប្រជាពលរដ្ឋ និងសមត្ថកិច្ច ខណៈប្រជាពលរដ្ឋ បានប្រទះឃើញ ស្បែកជើង០២គូ កាបូប០២ ទូរសព្ទ០១ គ្រឿង ដេកកេះ បារី បន្សល់ទុកនៅលើស្ពានជ្រោយចង្វារ តែមិនឃើញមនុស្សនោះទេ ខណៈមានវីដេអូថតទុក នៅក្នុងទូរសព្ទ ឃើញយុវជន២នាក់ ដើរមកលើស្ពាននេះ ហើយនិយាយថា បើខ្លួនមិនបានកើតក្នុងថ្ងៃតែមួយ តែសុំស្លាប់ជាមួយគ្នា ក្នុងថ្ងៃតែមួយ និងមានឆាតជាមួយសង្សារផ្សេងៗទៀតជាច្រើន និយាយលាខាងស្រីមុននឹងបិទទូរសព្ទ លែងទាក់ទងបាន ។
ហេតុការណ៍នេះបានកើតឡើងនៅវេលាម៉ោង ២យប់ ត្រូវនឹងថ្ងៃទី៤ ខែមីនា ឆ្នាំ២០២៤នេះ នៅស្ពានជ្រោយចង្វា រាជធានីភ្នំពេញ ។
តាមសម្តីពីបុរសម្នាក់ជាអ្នកដំណើរ បានបញ្ជាក់ថា មុនពេលកើតហេតុ គាត់មិនដឹងថាមនុស្ស លោតទៅបាត់ ឬក៏អត់នោះទេ តែជាក់ស្តែង មកដល់មិនឃើញមនុស្ស ឃើញតែរបស់របរ ស្បែកជើង០២គូ កាបូប០២ ទូរសព្ទ០១ គ្រឿង ដេកកេះ បារី បន្សល់ទុកនៅលើស្ពានជ្រោយចង្វារ ក៏ប្រញាប់ទើបទៅប្រាប់សមត្ថកិច្ចតែម្តង ៕ នុច
