ខេត្តកណ្តាល ៖ ជនសង្ស័យចំនួន ៤នាក់ ក្នុងចំណោមគ្នាទាំងអស់ ៥នាក់ ត្រូវបានសមត្ថកិច្ចធ្វើការឃាត់ខ្លួន ពាក់ព័ន្ធករណី ជួញដូរនិងរក្សាទុកដោយខុសច្បាប់នូវសារធាតុញៀន កាលពីវេលាម៉ោង ៨និង ១០នាទីយប់ ថ្ងៃទី២ ខែមីនា ឆ្នាំ២០២៤ ក្នុងភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្ដាល។

សមត្ថកិច្ចបានឲ្យដឹងថា ជនសង្ស័យរួមមាន ៖

១- ឈ្មោះ ជិន ពិសិដ្ឋ ភេទប្រុស អាយុ ២៦ ឆ្នាំ (ខ្មែរ) មុខរបរ នេសាទ មានទីលំនៅ ភូមិអង្គរជយ័ ឃុំបន្ទាយដែក ស្រុកកៀនស្វាយ ខេត្តកណ្តាល (មានសារធាតុញៀនក្នុងទឹកនោម) (ឃាត់ខ្លួន) (ធ្លាប់ជាប់ពន្ធនាគារ ១៨ខែ) (រក្សាទុក)

២- ឈ្មោះ ចៀប វុទ្ធី(ហៅឆ្អឹង) ភេទប្រុស អាយុ ២៨ ឆ្នាំ (ខ្មែរ) មុខរបរ កម្មករសំណង់ មានទីលំនៅ ភូមិអង្គរជយ័ ឃុំបន្ទាយដែក ស្រុកកៀនស្វាយ ខេត្តកណ្តាល (មានសារធាតុញៀនក្នុងទឹកនោម) (ឃាត់ខ្លួន) (រក្សាទុក)

៣- ឈ្មោះ គង់ រ៉ា(ហៅពែរ) ភេទប្រុស អាយុ ៣៩ ឆ្នាំ (ខ្មែរ) មុខរបរ នេសាទ មានទីលំនៅ ភូមិជយ័ឧត្តម២ ឃុំសំរោងធំ ស្រុកកៀនស្វាយ ខេត្តកណ្តាល (មានសារធាតុញៀនក្នុងទឹកនោម) (ឃាត់ខ្លួន) (ជួញដូរ)

៤- ឈ្មោះ ភឿន ជីវ៉ា(ហៅតួ) ភេទប្រុស អាយុ ២៦ ឆ្នាំ (ខ្មែរ) មុខរបរ មិនពិត មានទីលំនៅ ភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល (មានសារធាតុញៀនក្នុងទឹកនោម) (ឃាត់ខ្លួន) (ជួញដូរ)

៥- ឈ្មោះ នេត ឡុច ហៅថាវ ឡុច (ហៅប៉ក់) ភេទប្រុស អាយុ ២៧ ឆ្នាំ (ខ្មែរ) មុខរបរ មិនពិ មានទីលំនៅ ភូមិជយ័ឧត្តម២ ឃុំសំរោងធំ ស្រុកកៀនស្វាយ ខេត្តកណ្តាល (គេចខ្លួន) (ជួញដូរ)។

ក្នុងនោះ វត្ថុតាងចាប់យករួមមាន៖

១/ ម្សៅក្រាមពណ៌សថ្លាសង្ស័យជាសារធាតុញៀន (ម៉ាទឹកកក) ចំនួន ០៦ កញ្ចប់តូច

២/ ម៉ូតូ០១គ្រឿងម៉ាក Honda គុបជ្រុង ពណ័ទឹកប៊ិច គ្មានស្លាកលេខ

៣/ សម្ភារៈប្រើប្រាស់និងវេចខ្ចប់ថ្នាំញៀនមួយចំនួន។

សូមបញ្ជាក់ថា កម្លាំងប៉ុស្ដិ៍នគរបាលរដ្ឋបាលបន្ទាយដែក សហការជាមួយប្រជាការពារ បានធ្វើការល្បាតក្នុងភូមិសាស្រ្តឃុំបន្ទាយដែក ពេលមកដល់ចំនុចកើតហេតុបានឃើញជនសង្សយ័ចំនួន០២នាក់ ឈ្មោះ ជិន ពិសិដ្ឋ ភេទប្រុស និង ឈ្មោះ ចៀប វុទ្ធី (ឆ្អឹង) ភេទប្រុស កំពង់ជិះម៉ូតូ ម៉ាក គុបជ្រុង ពណ័ទឹកប៊ិច គ្មានស្លាកលេខ ដោយមានការសង្ស័យ កម្លាំងសមត្ថកិច្ច្ច ប៉ុស្តិ៍បន្ទាយដែក ហៅជនសង្ស័យទាំង០២នាក់ អោយឈប់ ហើយសមត្ថកិច្ចបានឆែកឆេរ រកឃើញម្សៅក្រាមពណ៌សថ្លាសង្ស័យជាសារធាតុញៀនម៉ាទឹកកក ចំនួន០១កញ្ចប់តូច នៅក្នុងហោប៉ាវខោ ឈ្មោះ ជិន ពិសិដ្ឋ រួចកំលាំងសមត្ថកិច្ចបានឃាត់ខ្លួនជនសង្ស័យ រួមនឹងវត្ថុតាងយកមកប៉ុស្តិ៍បន្ទាយដែកដើម្បីសួរនាំ ។

នៅចំពោះមុខសមត្ថកិច្ចជនសង្ស័យទាំង០២នាក់ បានសារភាពថា ថ្នាំញៀន(ម៉ាទឹកកក)ចំនួន ០១កញ្ចប់តូចនេះ ជារបស់ពួកខ្លួនពិតប្រាកដមែន ដោយពួកខ្លួន បានទៅទិញពីឈ្មោះ គង់ រ៉ា ( ហៅពែរ) ភេទប្រុស អាយុ ៣៩ឆ្នាំ ជនជាតិ ខ្មែរ មុខរបរ មិនពិត មានទីលំនៅ ភូមិជយ័ឧត្តម២ ឃុំសំរោងធំ ស្រុកកៀនស្វាយ ខេត្តកណ្តាល ។

ក្រោយបានចម្លើយសារភាពរបស់ឈ្មោះ ជិន ពិសិដ្ឋ និងឈ្មោះ ចៀប វុទ្ធី(ហៅឆ្អឹង) កំលាំងប៉ុស្តិ៍បន្ទាយដែក បានសហការណ៍ជាមួយ កំលាំងផ្នែកប្រឆាំងគ្រឿងញៀន និងប៉ុស្តិ៍សំរោងធំ បានចុះទៅដល់រោងស្នាក់នៅ របស់ ឈ្មោះ គង់ រ៉ា (ហៅពែរ) ស្ថិតនៅភូមិជយ័ឧត្តម២ ឃុំសំរោងធំ ហើយបានធ្វើកាឃាត់ខ្លួនបានជនសង្សយ័០២នាក់ ឈ្មោះ គង់ រ៉ា(ពែរ) ភេទប្រុស និងឈ្មោះ ភឿន ជីវ៉ា (តួ) ភេទប្រុស និងដកហូតបាន ថ្នាំញៀន(ម៉ាទឹកកក) ចំនួន ០៥កញ្ចប់តូច និងសម្ភារៈវេចខ្ចប់ ប្រើប្រាស់ថ្នាំញៀនមួយចំនួនទៀត រួចសមត្ថកិច្ចបាននាំខ្លួន ជនសង្សយ័ទាំង០២ នាក់រួមនិងវត្ថុតាង យកមកប៉ុស្តិ៍បន្ទាយដែក ដើម្បីសួរនាំបន្ត ។

នៅចំពោះមុខសមត្ថកិច្ច ឈ្មោះ គង់ រ៉ា (ហៅពែរ) បានសារភាពថា ថ្នាំញៀនដែរសមត្ថកិច្ចដកហូតបានពិតជារបស់ខ្លួនប្រាកដមែន ដោយខ្លួនបានទិញពីឈ្មោះ នេត ឡុច ហៅ ថាវ ឡុច ( ប៉ក់) ភេទប្រុស ជនជាតិ ខ្មែរ មុខរបរ មិនពិត មានទីលំនៅ ភូមិឃុំជាមួយគ្នា តំលៃ ១០០០០០រៀល( ដប់ម៉ឺនរៀល) ដើម្បីយកមកវេចខ្ចប់ជាកញ្ចប់តូចៗ ទុកលក់បន្ត ។ ហើយកន្លងមកឈ្មោះ ម៉េង សាត ភេទប្រុស អាយុ ប្រហែល ៣៧ឆ្នាំ ជនជាតិ ខ្មែរ មានទីលំនៅ ភូមិឃុំជាមួយ បាន អោយថ្នាំញៀនមកខ្លួន ចំនួន០២ដង មកហើយ ។ ហើយខ្លួនពិតជាបានលក់ថ្នាំញៀន ទៅអោយឈ្មោះ ជិន ពិសិដ្ធ និងឈ្មោះ ចៀប វុទ្ធី (ឆ្អឹង) តំលៃ ៣២០០០រៀល ( បីម៉ឺនពីរពាន់រៀល) ប្រាកដមែន ។ ចំណែកឈ្មោះ ភឿន ជីវ៉ា (តួ) ភេទប្រុស បានសារភាពថា ឈ្មោះ គង់ រ៉ា ( ពែរ) ធ្លាប់ប្រើអោយខ្លួនយកថ្នាំញៀនលក់អោយគេបានចំនួន០២ដង ។

ក្រោយបានចម្លើយសារភាពរបស់ឈ្មោះ គង់ រ៉ា (ពែរ) ភេទប្រុស រួច កំលាំងសមត្ថកិច្ចបានចុះ ស្រាវជ្រាវរកឈ្មោះ នេត ឡុច ហៅ ថាវ ឡុច (ប៉ក់) ភេទប្រុស មានទីលំនៅ ភូមិឃុំជាមួយ តែរកពុំឃើញ ។

ក្រោយពីសួរនាំរួចជនសង្សយ័រួមទាំងវត្ថុតាង បញ្ជូនមកអធិការដ្ឋាននគរបាលស្រុកកៀនស្វសយ ដើម្បីចាត់ការតាមនិតិវិធី ៕ អែល វិចិត្រ