ខេត្តព្រះសីហនុ ៖ រថយន្តម៉ាក RANGE ROVER មួយគ្រឿង ត្រូវបានអគ្គិភ័យឆេះលេបត្របាក់​សល់តែផេះ ម៉ត់ឈឹងតែម្តង ខណៈកំពុងបើកបរនៅលើផ្លូវល្បឿនលឿន ។

ហេតុការណ៍នេះបានកើតឡើងកាលពីវេលាម៉ោង ១២និង ៥០នាទី ថ្ងៃត្រង់ ទី៤ ខែមីនា ឆ្នាំ២០២៤ នៅចំណុច K134+400 លើផ្លូវល្បឿនលឿន ភូមិស្ទឹងឆាយជើង ឃុំស្ទឹងឆាយ ស្រុកកំពង់សិលា ខេត្តព្រះសីហនុ ។ នេះបើយោងតាមកំណត់ហេតុ Hotline 117 ប្រចាំបញ្ជាររបស់អគ្គស្នងការដ្ឋាននគរបាលជាតិ ។

សមត្ថកិច្ចបានបញ្ជាក់ទៀតថា រថយន្តដែលឆេះនេះម៉ាក RANGE ROVER VOGUE ពណ៌ស ប្រភេទគ្រួសារ ស្លាកលេខ ភ្នំពេញ 2BJ-7173 បើកបរដោយឈ្មោះ GENG LIHUA ភេទប្រុស អាយុ៣២ឆ្នាំ ជនជាតិចិន និងមានអ្នកដំណើរជាមួយជាជនជាតិចិនដូចគ្នា លុះបើកដោយដល់ចំណុចកើតហេតុ ក៏ផ្ទុះផ្នែកខាងមុខបណ្តាលឲ្យឆេះខ្ទេចតែម្តង តែសំណាងគ្មាននរណាម្នាក់ មានគ្រោះថ្នាក់ដល់អាយុជីវិតនោះទេ ៕ នុច