យោងតាមការចេញផ្សាយរបស់ ទីភ្នាក់ងារសារព័ត៌មាន AKP បានឲ្យដឹងថា នៅថ្ងៃទី០៥ ខែមីនា ឆ្នាំ២០២៤នេះ អង្គការ WWF បានចេញរបាយការណ៍សង្ខេបមួយ បានបង្ហាញពីស្ថានភាពនៃជីវចម្រុះនៅក្នុងទន្លេមេគង្គ។

ទន្លេមេគង្គជាប់ចំណាត់ថ្នាក់លេខ៣ ជាទីជម្រកដល់សត្វជាង ១ ១៤៨ប្រភេទ និង ជាទន្លេដែលមានជីវចម្រុះច្រើនបំផុតនៅទូទាំងពិភពលោក ហើយទន្លេនេះជួយដល់ការធ្វើ ការផ្លាស់ទីប្រចាំឆ្នាំដល់ត្រីប្រហែល៥ពាន់លានក្បាល។ ដំណើរដ៏អស្ចារ្យនេះបានដើរតួនាទី យ៉ាងសំខាន់ក្នុងការវាស់ស្ទង់សុខភាពអាងទន្លេមេគង្គ ដែលទ្រទ្រង់ជីវភាពរស់នៅរបស់ ប្រជាជនជាង ៤០លាននាក់ និងគាំទ្រដល់ ការនេសាទទឹកសាបដ៏ធំបំផុតរបស់ពិភពលោក។ ក៏ប៉ុន្ដែរបាយការណ៍នេះ ក៏បង្ហាញពីស្ថានភាពក៏គួរឱ្យបារម្ភដែរ។ សព្វថ្ងៃនេះ ត្រីទន្លេ មេគង្គមួយក្នុងចំណោម៥ប្រភេទ ប្រឈមនឹងការផុតពូជ។ ការបាត់បង់ទីជម្រកទំនប់វារី អគ្គិសនី ការប្រែប្រួលអាកាសធាតុ និងការគំរាមកំហែងផ្សេងទៀតបានបណ្តាល ឱ្យមានការ ថយចុះគួរឱ្យកត់សម្គាល់នៃចំនួនត្រីក្នុងតំបន់។ ត្រីមួយចំនួនបានធ្លាក់ចុះ យ៉ាងឆាប់ រហ័សរហូតដល់៨៨ភាគរយ ហើយផលវិបាក របស់វាធ្វើឱ្យមានការព្រួយបារម្ភជាខ្លាំង។

តាមរយៈការផ្តល់អាទិភាពដល់ការការពារត្រីដែលគេលែងនឹកនា ក្នុងការបង្កើត គោលនយោបាយ និងការផ្តល់សិទ្ធិអំណាចដល់សហគមន៍មូលដ្ឋាន នោះយើង អាចធ្វើផ្លាស់ ប្តូរការធ្លាក់ចុះនៃប្រព័ន្ធអេកូឡូស៊ីដែលមានតែមួយប្រភេទនេះ ការការពារ ចំនួនត្រី ប្រវត្តិសាស្រ្តក្នុងតំបន់ និងជីវភាពផ្ទាល់ខ្លួន។ ផ្លូវឆ្ពោះទៅមុខ ទាមទារឱ្យមាន សកម្មភាពរួម ជាបន្ទាន់។

តាមរយៈការពួតដៃគ្នា យើងអាចការពារ និងស្តារទន្លេមេគង្គឡើងវិញ ដោយធានាបាននូវការរស់រានមានជីវិត និងភាពរុងរឿងនៃធនធានទឹកសាបដ៏វិសេសវិសាល របស់ទន្លេមេគង្គសម្រាប់មនុស្សជំនាន់ក្រោយៗទៀត៕