រាជធានីភ្នំពេញ ៖ ក្មេងស្ទាវមួយក្រុម ជិះម៉ូតូចូលទៅវាយយុវជន ០៣ នាក់ នៅក្នុងភូមិ ផ្អើលឆោឡោ ពេលនោះមិនដឹងអ្នកណាទេ ទាញកាំភ្លើងបាញ់ឡើងលើចំនួន ០២ គ្រាប់ ធ្លាក់សំបកគ្រាប់នៅចិញ្ចើមផ្លូវ ។

ហេតុការណ៍នេះបានកើតឡើង នៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ វេលាម៉ោង៤ទៀបភ្លឺ ត្រូវនឹងថ្ងៃទី៨ ខែមីនា ឆ្នាំ២០២៤។

តាមប្រភពព័ត៌មានពីបងប្អូនប្រជាពលរដ្ឋបានអោយដឹងថា មុនពេលកើតហេតុ គេបានឃើញ ក្មេងស្ទាវមួយក្រុម ជិះម៉ូតូជាច្រើនគ្រឿងបាន ចូលទៅវាយយុវជន០៣នាក់ នៅក្នុងភូមិ កំពុងតែនិយាយគ្នា បង្កការភ្ញាក់ផ្អើលឆោឡោ ពេលនោះមិនដឹងអ្នកណាទេ បានទាញកាំភ្លើងបាញ់ឡើងលើចំនួន ០២ គ្រាប់ ធ្លាក់សំបកគ្រាប់នៅចិញ្ចើមផ្លូវ ។

ក្រោយកើតហេតុ សមត្ថកិច្ចក៏បានមកដល់ និងបានយកសំបកគ្រាប់កន្ទុះ ទៅរក្សាទុកនៅអធិការដ្ឋាននគរបាលខណ្ឌឫស្សីកែវ ស្រាវជ្រាវបន្ត ៕ Mrr Ka