រថយន្ត បុកឡើងសួនចែកទ្រូងផ្លូវ រងការខូចខាតយ៉ាងដំណំ
រាជធានីភ្នំពេញ ៖ បុរសម្នាក់បើករថយន្ត បុកឡើងសួនចែកទ្រូងផ្លូវ បណ្ដាលរងការខូចខាត កាលពីវេលាម៉ោង ១១យប់ ថ្ងៃទី០៧ ខែមីនា ឆ្នាំ២០២៤ ស្ថិតនៅតាមបណ្ដោយផ្លូវ៨២ R៨ សង្កាត់ស្រះចក ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត SSangYoung ពាក់ស្លាកលេខ រដ្ឋ25 2-0619 បើកតាមបណ្ដោយផ្លូវ៨៣ ក្នុងទិសដៅពីកើតមកលិច លុះដល់ចំណុចកើតហេតុ ក៏បុកឡើងសួនចែកផ្លូវ បណ្ដាលរងការខូចខាតយ៉ាងដំណំតែម្តង។
ក្រោយកើតហេតុម្ចាស់រថយន្ត ក៏បានអូសចេញពីកន្លែងកើតហេតុ ដោយតែមិនមានខូចខាតសម្ភារៈសាធារណៈនោះឡើយ ៕ Mrr Ka
