រាជធានីភ្នំពេញ ៖ មានការភ្ញាក់ផ្អើលខ្លាំងដល់អ្នកដំណើរ ខណៈរថយន្តឡិចស៊ីសមួយគ្រឿង កំពុងបើកសុខៗ ស្រាប់តែឆេះយ៉ាងសន្ធោសន្ធៅតែម្តង ផ្អើលប្រជាពលរដ្ឋប្រញាប់រាយការណ៍ជូនសមត្ថកិច្ច ដើម្បីចុះមកអន្តរាគមន៍បាញ់ពន្លត់ ។

ហេតុការណ៍នេះបានកើតឡើងកាលពីវេលាម៉ោង១០ និង៣០នាទីព្រឹក ថ្ងៃទី៨ ខែមីនា ឆ្នាំ២០២៤ នៅចំណុចលើស្ពានអាកាសផ្សារដីហ៊ុយ តាមបណ្តោយផ្លូវសហព័ន្ធរុស្ស៊ី ក្នុងខណ្ឌសែនសុខ រាជធានីភ្នំពេញ ។

សូមបញ្ជាក់ថា ភ្លាមៗគេឃើញមានរថយន្តពន្លត់អគ្គិភ័យ បានចុះទៅអន្តរាគមន៍បាញ់ពន្លត់ភ្លាមៗផងដែរ ហើយទោះបីជាយ៉ាងណា ក្នុងហេតុការណ៍គ្មាននរណាម្នាក់ រងរបួសនោះទេ គ្រាន់តែរងការខូចខាតតែប៉ុណ្ណោះ ៕ នុច