រាជធានីភ្នំពេញ ៖ បុរសម្នាក់បើករថយន្ត​ Ford Ranger មួយគ្រឿង បុករថយន្តព្រូស​ត្រង់ផ្លូវបំបែកជាបួន បណ្ដាលឲ្យរងការខូចខាត​។

ហេតុការណ៍នេះបានកើតឡើង នៅ​តាមបណ្ដោយផ្លូវ​១៩៩​ កែង៣៤៨​ សង្កាត់​ទួលស្វាយព្រៃ​ទី១​ ខណ្ឌបឹងកេងកង​ រាជធានីភ្នំពេញ វេលា​ម៉ោង​១១យប់​ ថ្ងៃ​ទី​០៨​ ខែមីនា​ ឆ្នាំ​២០២៤។

តាមប្រភពព័ត៌មានពីបងប្អូនប្រជាពលរដ្ឋ និងពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត​ Ford Ranger ពាក់ស្លាកលេខ ភ្នំពេញ​ 2BW-8687 តាមបណ្ដោយផ្លូវ៣៤៨ ក្នុងទិសដៅពីកើតមកលិច លុះដល់ត្រង់ផ្លូវបំបែកជាបួន ក៏បុករថយន្តព្រូស​ ពាក់ស្លាកលេខ ភ្នំពេញ​ 2AQ-0144 បណ្ដាលរងការខូចខាត​យ៉ាងដំណំ ។

ក្រោយកើតហេតុភាគីទាំងសងខាងសម្រួលបញ្ចប់នៅកន្លែងកើតហេតុ ៕ Mrr Ka