ខេត្តបាត់ដំបង ៖ មានករណីផ្ទុះគ្រាប់មីនតោនបណ្តាលឲ្យមនុស្សម្នាក់ រងរបួសស្រាល វេលាម៉ោង១៣ និង៣០នាទី ថ្ងៃទី០៧ ខែមីនា ឆ្នាំ២០២៤ នៅចំណុចចម្ការក្រុមហ៊ុនអាមេរិចកាំង (ភ្នំស្រង់តូច) ស្ថិតក្នុងភូមិស្វាយស ឃុំត្រែង ស្រុករតនមណ្ឌល ខេត្តបាត់ដំបង ។ នេះបើយោងតាមផេកផ្លូវការរបស់ អគ្គស្នងការដ្ឋាននគរបាលជាតិ ។

លោកវរសេនីយ៍ឯក សន និល អធិការនគរបាលស្រុករតនមណ្ឌល បានរាយការណ៍ឲ្យដឹងថា ៖ ជនរងគ្រោះឈ្មោះ ខាន់ រិទ្ធី ភេទប្រុស អាយុ៣២ឆ្នាំ រស់នៅភូមិស្វាយស ឃុំត្រែង ស្រុករតនមណ្ឌល ខេត្តបាត់ដំបង។ ជនរងគ្រោះបានបើកត្រាក់ទ័រ ទៅស៊ីឈ្នួល ភ្ជួរដីឲ្យក្រុមហ៊ុនអាមេរិចកាំង នៅចំណុចខាងលើ ក៏បណ្ដាលអោយភ្ជួរប៉ះចំមីនតោន បណ្ដាលឲ្យផ្ទុះ រងរបួសស្រាល ។

ក្រោយទទួលដំណឹង កម្លាំងអធិការដ្ឋាននគរបាលស្រុករតនមណ្ឌលបានចុះធ្វើការត្រួតពិនិត្យ និងដឹកបញ្ជូនជនរងគ្រោះទៅមន្ទីរពេទ្យ ដើម្បីសម្រាកព្យាបាល៕