ដុតគល់ជញ្រ្ជាំងក្នុងស្រែ ឆេះរាលដាលដល់តូបលក់សាច់ក្រកគោ ហ៊ុយផ្សែងទ្រលោមយ៉ាងសន្ធោសន្ធៅ
ខេត្តកំពង់ស្ពឺ ៖ ករណីអគ្គិភ័យឆាបឆេះ តូបលក់សាច់ក្រកគោអូរក្រាំងអំបិលមួយកន្លែង ហ៊ុយផ្សែងទ្រលោមយ៉ាងសន្ធោសន្ធៅ ។ នេះបើយោងតាមផ្លូវការរបស់ ស្នងការដ្ឋាននគរបាលខេត្តកំពង់ស្ពឺ ។
ហេតុការណ៍នេះបានកើតឡើងនៅថ្ងៃទី១០ ខែមីនា ឆ្នាំ២០២៤នៅចំណុចតូបបងប្អូនលក់សាច់ក្រកគោ នៅជាប់បណ្ដោយផ្លូវជាតិលេខ៤ នៅចំណុចភូមិស្លា ឃុំវល្លិ៍ស ស្រុកសំរោងទង ខេត្ដកំពង់ស្ពឺ ។
តាមការបញ្ជាក់ពីលោកវរសេនីយ៍ឯក ឃុត សុផល អធិការនគរបាលស្រុកសំរោងទង ថាភ្លើងដែលឆេះគឺផ្ដើមមកពីគល់ជញ្រ្ជាំងក្នុងស្រែ ឆេះរាលដាលមកតៗ រួចបន្ដឆេះតែម្តង ។ តែទោះបីជាយ៉ាងណា ក្នុងហេតុការណ៍ខាងលើ គឺមិនបណ្ដាលឲ្យមានគ្រោះថ្នាក់មនុស្សឬបន្ដឆេះផ្ទះលំនៅឋានពលរដ្ឋទេ ៕
