រាជធានីភ្នំពេញ ៖ ជនសង្ស័យចំនួន ០៣នាក់ ពាក់ព័ន្ធនឹងករណី រត់ឆក់កាបូបស្ពាយរបស់ជនបរទេស ត្រូវបានសមត្ថកិច្ចស្រាវជ្រាវ ឈានដល់ការបង្ក្រាប និងចាប់ខ្លួនបាន ។
សូមបញ្ជាក់ថា ហេតុការណ៍នេះបានកើតឡើង នៅវេលាម៉ោង ៣ទៀបភ្លឺ ថ្ងៃទី៣ ខែមីនា ឆ្នាំ២០២៤ នៅចំណុចលើសួនច្បារមាត់ទន្លេ ផ្លូវព្រះស៊ីសុវត្ថិ ភូមិ៦ សង្កាត់ផ្សារកណ្តាលទី១ ខណ្ឌដូនពេញ រាជធានីភ្នំពេញ។
ក្នុងនោះ ដោយអនុវត្តន៍តាមបទបញ្ជាដ៏ខ្ពង់ខ្ពស់របស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការងនិងជាស្នងការនគរបាលរាជធានីភ្នំពេញ នៅយប់កណ្តាលអាធ្រាតថ្ងៃទី១៦ ខែមីនា ឆ្នាំ២០២៤ វេលាម៉ោង១២និង ៤០នាទីយប់ កម្លាំងជំនាញខណ្ឌ ប៉ុស្តិ៍បានប្រើនូវវិធានការជំនាញស្រាវជ្រាវ និងបន្តច្បាម យកបានជនសង្ស័យចំនួន០៣នាក់(ស្រី០១) ដែលជាអ្នកធ្វើសកម្មភាពរត់ឆក់កាបូបស្ពាយរបស់ជនរងគ្រោះ។
ជនសង្ស័យទាំង៣នាក់រួមមាន ៖ ១/ឈ្មោះ ទួន ចាន់វិចិត្រ ភេទប្រុស អាយុ២៩ឆ្នាំ មុខរបរនិងទីលំនៅមិនពិតប្រាកដ(ប្រើប្រាស់គ្រឿងញៀន) ជាអ្នកធ្វើសកម្មភាព(ឃាត់ខ្លួន), ២/ឈ្មោះ ប្រុស ចន្ថា ហៅអាជេម ភេទប្រុស អាយុ៣៥ឆ្នាំ មុខរបរនិងទីលំនៅមិនពិតប្រាកដ (ប្រើប្រាស់គ្រឿងញៀន)ជាអ្នកយកទៅលក់(ឃាត់ខ្លួន) និងទី៣ ឈ្មោះ ចន្ទ័ បរមី ភេទស្រី អាយុ២០ឆ្នាំ ជនជាតិខ្មែរមុខរបរនិងទីលំនៅមិនពិតប្រាកដ(ប្រើប្រាស់គ្រឿងញៀនជាអ្នកមើលផ្លូវនិងយកទៅលក់(ឃាត់ខ្លួន)។
ចំណែកជនរងគ្រោះមានឈ្មោះ Jeanlours Gabriljhavon ភេទប្រុសអាយុ ២៨ឆ្នាំ ជនជាតិ អាមេរិក មុខរបរ ទេសចរណ៍ ស្នាក់នៅសណ្ឋាគារ White house kirirom ។
ក្នុងនោះ វត្ថុតាងបាត់បង់រួមមាន៖
១-Ipad ពណ៌Gray ចំនួន០១គ្រឿង។
២-Asus 2cn Book ពណ៌ខ្មៅ ចំនួន០១គ្រឿង។
៣-Air Pop black ចំនួន០១គ្រឿង។
៤-Quest 3white ចំនួន០១។
តាមរបាយការណ៍ពីសមត្ថកិច្ចបានឲ្យដឹងថា មុនពេលកើតហេតុ កាលពីថ្ងៃទី០៣ ខែមីនា ២០២៤ វេលាម៉ោង២និង ៤៥នាទី មុនពេលកើតហេតុ ជនរងគ្រោះបានមកអង្គុយលេងនៅលើសួនច្បារមាត់ទន្លេ ។ លុះដល់វេលាម៉ោង៣ទៀបភ្លឺ ស្រាប់តែមានជនសង្ស័យចំនួន០៣នាក់, ឈ្មោះទួន ចាន់វិចិត្រ ,ឈ្មោះ ប្រុស ចិន្ថា ហៅជេម,និងឈ្មោះ ចន្ទ បរមី បានដើរមកក្បែរខ្លួនហើយបានធ្វើសកម្មភាពឆក់យកកាបូបស្ពាយពីជនរងគ្រោះរត់គេចខ្លួនបាត់តែម្តង បន្ទាប់មកជនរងគ្រោះ ក៏បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលផ្សារកណ្តាលទី១។
ក្រោយពីទទួលបានព៌តមាននេះភ្លាមកម្លាំងជំនាញខណ្ឌ ប៉ុស្តិ៍ បានចុះធ្វើការស្រាវជ្រាវនូវកន្លែងកើតហេតុ ដោយកំណត់បានអត្តសញ្ញាណរបស់សង្ស័យ រហូតដល់ទី១៦ ខែមីនា ឆ្នាំ២០២៤ វេលាម៉ោង០០h៤០នាទី ទើបកម្លាំងជំនាញយើងស្រាវជ្រាវឃាត់ខ្លួនបាន ជនសង្ស័យខាងលើ នៅចំណុច លើផ្លូវលេខ១៤៨ភូមិ៦ សង្កាត់ផ្សារកណ្តាលទី១ នាំមកប៉ុស្តិ៍នគរបាលរដ្ឋបាលផ្សារកណ្តាល១ ធ្វើការសាកសួរ។ ដោយប្រើនូវវិធានការយកចម្លើយ ជនសង្ស័យទាំង០៣នាក់បានសារភាពថា ខ្លួនពិតជាបានធ្វើសកម្មភាព រត់ឆក់កាបូប របស់ជនរងគ្រោះប្រាកដមែន។
បច្ចុប្បន្នជនសង្ស័យខាងលើ ត្រូវបានកម្លាំងជំនាញ ខណ្ឌប៉ុស្តិ៍កំពុងកសាងសំណុំរឿងអនុវត្តន៍តាមនីតិវិធីច្បាប់ ៕ Mrr Ka
