រាជធានីភ្នំពេញ៖ ម៉ែឪខំទិញម៉ូតូល្អៗឲ្យជិះ បែរជាលោកកូនទាំងនេះ កង់២មិនចេះជិះ ជិះតែកង់មួយ បង្ហោះយ៉ាងអាណាធិបតេយ្យតាមដងផ្លូវ មិនខ្លាចគ្រោះថ្នាក់ដល់អ្នកដ៍ទៃ ត្រូវបានសមត្ថកិច្ចនគរបាលខណ្ឌឬស្សីកែវ ឃាត់ខ្លួនបាន ឲ្យលើកម៉ូតូ រួចស្រែកថា ខ្ញុំឈប់បង្ហោះម៉ូតូទៀតហើយ ។

ក្នុងនោះ យោងតាមផេកផ្លូវការរបស់ ស្នងការដ្ឋាននគរបាលរាជធានីភ្នំពេញ បានឲ្យដឹងថា កាលពីពេលថ្មីៗនេះ កម្លាំងប៉ុស្តិ៍នគរបាលរដ្ឋបាលស្វាយប៉ាក នៃអធិការដ្ឋាននគរបាលខណ្ឌប្ញស្សីកែវ បានចេញល្បាតឃាត់ក្មេងទំនើងសិស្ស២ក្រុមម៉ូតូ២គ្រឿងមានគ្នា០៤នាក់ ជិះម៉ូតូបង្ហោះតាមផ្លូវសាធារណៈ ប៉ះពាល់សណ្តាប់ធ្នាប់សុវត្ថិភាពសង្គម។

ជុំវិញករណីនេះ សមត្ថកិច្ចបានធ្វើការអប់រំនិងកោះហៅអាណាព្យាបាលមកធានាឲ្យយកទៅអប់រំបន្ត៕