ជនសង្ស័យម្នាក់ ប៉ុនប៉ងលួច ទ្រព្យសម្បត្តិ របស់ប្រជាពលរដ្ឋ ត្រូវសមត្ថកិច្ចឃាត់ខ្លួន
រាជធានីភ្នំពេញ៖ ជនសង្ស័យម្នាក់ ប៉ុនប៉ងលួច ទ្រព្យសម្បត្តិ របស់ប្រជាពលរដ្ឋ ត្រូវបានសមត្ថកិច្ចប៉ុស្តិ៍នគរបាលរដ្ឋបាលអូរឫស្សី៤ ធ្វើការឃាត់ខ្លួន ។ នេះបើយោងតាមផេកផ្លូវការរបស់ ស្នងការដ្ឋាននគរបាលរាជធានីភ្នំពេញ ។
ហេតុការណ៍នេះបានកើតឡើងនៅថ្ងៃទី១៩ ខែមីនា ឆ្នាំ២០២៤នៅចំណុចមុខផ្ទះលេខ១៤៦អឺ០ ផ្លូវ១០៧ សង្កាត់អូរឫស្សី៤ ខណ្ឌ៧មករា រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យមានឈ្មោះ វ៉ែន សុជាតិ ហៅខ្ចា ភេទប្រុស ជនជាតិខ្មែរ មុខរបរមិនពិតប្រាកដ ស្នាក់នៅមិនពិតប្រាកដ។
ក្នុងនោះវត្ថុតាងដកហូតរួមមាន៖ ដែកកាច់កម៉ូតូ ចំនួន០១, តួណឺវីសដងលឿង ចំនួន០១, កូនសោម៉ូតូ ចំនួន០៣, នាឡិកាម៉ាកGUESS។
បច្ចុប្បន្នជនសង្ស័យ កំពុងឃាត់ខ្លួនជាបណ្ដោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕
