រាជធានីភ្នំពេញ ៖ អគ្គិភ័យមួយបានឆាបឆេះ ទីតាំងលក់កាហ្វេមួយកន្លែង យ៉ាងសន្ធោសន្ធៅបង្កការភ្ញាក់ផ្អើលដល់សមត្ថកិច្ចចុះមកធ្វើការបាញ់ពន្លត់ កាលពីវេលាម៉ោង ៦ និង០៥នាទីព្រឹក ថ្ងៃទី១២ ខែសីហា ឆ្នាំ២០២១ នៅផ្លូវB ផ្ទះលេខ៣១ ភូមិក្រាំងអង្រ្កង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។

សមត្ថកិច្ចបានឲ្យដឹងថា ម្ចាស់ទីតាំងមានឈ្មោះ អោក សីហា ភេទ ប្រុស អាយុ៣១ឆាំ្ន មុខរបរ លក់កាហ្វេ ។

ចំណែកការឆាបឆេះនេះ ត្រូវបានសមត្ថកិច្ចឲ្យដឹងថា បណ្តាល មក ពី ឆ្លងចរន្តអគ្គិសនី ដោយបានឆេះ ប្រភេទថ្មបេតុង (ទំហំ ០៤ម៉ែត្រ× ១៦ ម៉ែត្រ) ខូចខាតម៉ាស៊ីនឆុងកាហ្វេ ម៉ាស៊ីនវិចខ្ចប់កាហ្វេ ម៉ាស៊ីនកិនគ្រប់កាហ្វេ ម៉ាស៊ីនក្រឡុកកាហ្វេធុងទីកកក និងសំភារៈមួយចំនួន តែពុំបណ្ដាល អោយឆេះរាលដាលដល់ផ្ទះអ្នកជិតខាងឡើយ ដោយបានប្រើប្រាស់ រថយន្តការិយា ល័យ អគ្គិភ័យចំនួន ០២ គ្រឿង ប្រើប្រាស់ទឹកអស់ ០១ ឡាន ស្មើ នឹង ០៤ ម៉ែត្រគូប ទើបរលត់ទៅវិញនៅវេលាម៉ោង ០៦និង៣៥ នាទីព្រឹក នាថ្ងៃខែឆ្នាំដដែល ៕ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ