រាជធានីភ្នំពេញ ៖ ករណីគ្រោះថ្នាក់ចរាចរណ៍មួយបានកើតឡើង រវាងរថយន្តនិងម៉ូតូ បណ្តាលឲ្យមានអ្នករងរបួស២នាក់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ កាលពីវេលាម៉ោង៧យប់ ថ្ងៃទី១៣ ខែសីហា ឆ្នាំ២០២១ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។

តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្ដ Camry បាឡែនមួយគ្រឿង ដែលពាក់ស្លាកលេខ ភ្នំពេញ 1AC-2950 ធ្វើដំណើរក្នុងទិសដៅពីលិចមកកើត មកដល់ផ្លូវបំបែក ក៏បានបុកគ្នាជាមួយនិងម៉ូតូ Wave មួយគ្រឿង ដែលពាក់ស្លាកលេខ ភ្នំពេញ 1DD-8412 ជិះដឹកគ្នា២នាក់ ត្រូវបានរថយន្ដបុកពេញមួយទំហឹង បណ្ដាលអោយរងរបួសធ្ងន់ទាំង២នាក់ ត្រូវបានរថយន្ដសាមុយបញ្ជូនទៅកាន់មន្ទីរពេទ្យ ។

ចំណែករថយន្តនិងម៉ូតូ ត្រូវបានសមត្ថកិច្ចធ្វើការវាស់វែង យកទៅរក្សាទុកនៅអធិការដ្ឋាននគបាលខណ្ឌទួលគោក ដើម្បីរង់ចាំដោះស្រាយគ្នាតាមច្បាប់បន្តទៀត ៕