ខេត្តព្រះសីហនុ ៖ ករណីគ្រោះថ្នាក់ចរាចរណ៍មួយបានកើតឡើង រវាងម៉ូតូនិងរថយន្តស៊េរីទំនើប ខ្ទេចយ៉ាងដំណំ បណ្តាលឲ្យនារី២នាក់ រងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យកាលពីវេលាម៉ោង ១១និង៣០នាទី ថ្ងៃត្រង់ ទី២២ ខែសីហា ឆ្នាំ២០២១ លើវិថី២ធ្នូ កែងកន្ទុយនាគ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។

តាមប្រភពពីសមត្ថកិច្ចបានអោយដឹងថា គ្រោះថ្នាក់ចរាចរណ៍នេះបានកើតឡើងរវាងម៉ូតូ០១គ្រឿង ម៉ាក អ៉ិចសាយទ័រ ពណ៌ខ្មៅ អ្នកបើកបរ ឈ្មោះ ប៉ែន ភារ៉ា ភេទស្រី អាយុ២៤ឆ្នាំ មានអ្នករួមដំណើរម្នាក់ឈ្មោះ ប៉ែន ភារិន្ទ ភេទស្រី អាយុ១៧ឆ្នាំ អ្នកទាំងពីរមានទីលំនៅភូមិ៤ សង្កាត់លេខ៤ ក្រុង/ខេត្ត ព្រះសីហនុ មានទិសដៅផ្ទុយគ្នានឹងរថយន្ត ០១គ្រឿង ម៉ាក PORSCHE ពណ៌ ប្រផេះ អ្នកបើកបរ ឈ្មោះ TANG LONG ភេទ ប្រុស អាយុ ២៦ឆ្នាំ ជនជាតិចិន ស្នាក់នៅភូមិ៤ សង្កាត់លេខ៤ ក្រុង /ខេត្ត ព្រះសីហនុ បណ្តាលឲ្យឈ្មោះ ប៉ែន ភារ៉ា ជាអ្នកបើកបរម៉ូតូរបួសធ្ងន់ ចំណែកឈ្មោះ ប៉ែន ភារិន្ទ របួសស្រាល ។

ភ្លាមៗ អ្នករងរបួស ត្រូវបានបញ្ជូនទៅព្យាបាលនៅមន្ទីរពេទ្យបង្អែកខេត្តព្រះសីហនុ។ រីឯវត្ថុតាងរថយន្តនិងម៉ូតូ ត្រូវបានសមត្ថកិច្ចជំនាញចរាចរណ៍យកមករក្សាទុកនៅ ការិយាល័យនគរបាលចរាចរណ៍ផ្លូវគោក រង់ចាំដោះស្រាយគ្នាតាមច្បាប់បន្តទៀត៕