រាជធានីភ្នំពេញ ៖ ករណីគ្រោះថ្នាក់ចរាចរណ៍មួយ បានកើតឡើង រវាងរថយន្ដ២គ្រឿង បុកគ្នាចំផ្លូវបំបែកជាបួន បណ្ដាលឲ្យរងការខូចខាតទាំងសងខាង កាលពីវេលាម៉ោង៨ យប់ ថ្ងៃទី២២ ខែសីហា ឆ្នាំ២០២១ នៅតាមបណ្ដោយផ្លូវ ៥៩៨ សង្កាត់ទួលសង្កែទី ២ខណ្ឌឫស្សីកែវ រាជធានីភ្នំពេញ ។

យោងតាមប្រព័ត៌មាននៅកន្លែងកើតហេតុ បានអោយដឹងថា មុនពេលកើតហេតុ គេបានឃើញរថយន្ដព្រូសមួយគ្រឿង ដែលពាក់ស្លាកលេខ ភ្នំពេញ 2AY-2793 បើកក្នុងទិសដៅពីត្បូងទៅជើង មកចំណុចកើតហេតុ បានបុកគ្នាជាមួយនិងរថយន្ដ ឡិចស៊ីស RX 300 ដែលពាក់ស្លាក់លេខ ភ្នំពេញ 2L-7705បើកបរក្នុងទិសដៅជើងទៅត្បូង មកស្តុបបំបែកជាបួន ក៏បានបុកពេញមួយទំហឹង បណ្ដាលអោយរងការខូចខាតទាំងសងខាង។

ក្រោយពេលកើតហេតុ សមត្ថកិច្ចជំនាញចុះមកធ្វើការវាស់វែង យករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំម្ចាស់ចូលខ្លួនមកធ្វើការដោះស្រាយគ្នាតាមផ្លូវច្បាប់៕