រាជធានីភ្នំពេញ ៖ បុរសម្នាក់បែកក្បាលធ្លាយស្លាប់មួយរំពេចនៅក្រោមកង់រថយន្តខណៈដែលកំពុងជិះម៉ូតូតាមផ្លូវត្រូវរថយន្តកុងតឺន័របើកបុកហើយកិន។ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង ៦និង ១៥នាទីល្ងាចថ្ងៃទី ២៤ខែសីហាឆ្នាំ ២០២១ នៅត្រង់ចំណុចមុខហាងនំប៉័ងស្ទឹងមានជ័យ ស្ថិតនៅតាមផ្លូវ ២១៧ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ ។

សមត្ថកិច្ចបានឲ្យដឹងថា សពជនរងគ្រោះមានឈ្មោះ ហន ណារ៉ា អាយុ ៣៦ ឆ្នាំ មានស្រុកកំណើតនៅភូមិទួលកំពតទី១ ឃុំបឹងព្រួល ស្រុកត្បូងឃ្មុំ ខេត្តត្បូងឃ្មុំ ។

បើយោងតាមប្រភពព័ត៌មានពីសមត្ថកិច្ចបានបញ្ជាក់ប្រាប់ក្រុមការងារបានឲ្យដឹងថា មុនពេលកើតហេតុគេឃើញបុរសម្នាក់បានជិះម៉ូតូម៉ាកហុងដាឌ្រីមសង់ សេ១២៥ស៊េរី២០១៧ ពណ៌ខ្មៅពាក់ស្លាកលេខភ្នំពេញ 1GG-5381 ធ្វើដំណើរតាមផ្លូវ ២១៧ ក្នុងទិសដៅពីត្បូងទៅជើងស្រាប់តែមកដល់ចំណុចកើតហេតុក៏បានរអិលដួលចូលរថយន្តកុងកិន័រមួយគ្រឿងដែលពាក់ស្លាកលេខ ស្វាយរៀង 3A-1480 បើកបរដោយបុរសម្នាក់ធ្វើដំណើរស្របទិសគ្នាក្នុងល្បឿនក៏ជ្រុលមកបុកម៉ូតូពីក្រោយនិងកិនជនរងគ្រោះបណ្តាលឲ្យបែកក្បាលធ្លាយខូួរជាប់សពនឹងកង់រថយន្តស្លាប់ភ្លាមៗយ៉ាងអាណោចអាធ័ម ចំណែកអ្នកបើកបររថយន្តក៏បានបើកទ្វារចុះរត់គេចខ្លួនបាត់ស្រម៉ោលបន្សល់តែរថយន្តបង្កនៅកន្លែងកើតហេតុ។

ក្រោយពេលកើតហេតុសមត្ថកិច្ចមូលដ្ឋានសហការជាមួយសមត្ថកិច្ចជំនាញចរាចរខណ្ឌដង្កោបានចុះទៅដល់កន្លែងកើតហេតុធ្វើការវាស់វែងយកម៉ូតូនិងរថយន្តបង្កប្រគល់ឲ្យសមត្ថកិច្ចជំនាញនៃការិយាល័យចរាចរណ៍ផ្លូវគោករាជធានីភ្នំពេញយកទៅរក្សាទុករង់ចាំធ្វើការដោះស្រាយគ្នានៅពេលក្រោយ។ចំណែកសពសមត្ថកិច្ចក៏បានធ្វើលិខិតរួចរងចាំប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី។មេសា