ខេត្តបាត់ដំបង ៖ យោងតាមផេក ការិយាល័យផ្សព្វផ្សាយអប់រំ នៃស្នងការដ្ឋាននគរបាលខេត្តបាត់ដំបង , ជនសង្ស័យម្នាក់ ដែលជាមុខសញ្ញាគាស់ដំបូលជម្រុកស្រូវ ចូលលួចទាំងថ្ងៃទ្រព្យសម្បត្តិពលរដ្ឋទាំងថ្ងៃ ត្រូវសមត្ថកិច្ចឃាត់ខ្លួនបាន កាលពីវេលាម៉ោង ៤ល្ងាច ថ្ងៃទី២៥ ខែសីហា ឆ្នាំ២០២១ នៅចំណុចក្រុមទី១២ ភូមិ ក្បាលខ្មោច ឃុំជ្រៃ ស្រុកថ្មគោល ខេត្តបាត់ ដំ បង ។

សមត្ថកិច្ចបានឲ្យដឹងថា ជនសង្ស័យមានឈ្មោះ សូ សំណាង ភេទ ប្រុស អាយុ៣៥ ឆ្នាំរស់នៅភូមិជ្រៃថ្មី ឃុំជ្រៃ ស្រុកថ្មគោល ខេត្តបាត់ដំបង ។ ក្នុងនោះសមត្ថកិច្ចដកហូតវត្ថុតាងបានរួមមាន ៖

-ម៉ាស៊ីនបូមទឹក ចំនួន១គ្រឿង

-កង់រទេះគោ ចំនួន២

-រទេះអូស ចំនួន១

-ពូថៅដងឈើ ចំនួន១ ។

សមត្ថកិច្ចបន្តឲ្យដឹងថា ករណីនេះ គឺជនសង័្សយមានគ្នា ចំនួ ន ២នាក់ បានធ្វើសកម្មភាព គាស់ដំបូលជង្រុកចូលលួចយកទ្រព្យ សម្បត្តិរបស់ជន រងគ្រោះ ឈ្មោះ អ៊ិន ផាន់ណា ភេទស្រី អាយុ ៥១ ឆ្នាំ រស់ នៅភូមិខាងលើ លួចយកទ្រព្យសម្បត្តិ ហើយខណៈពេលកំពុងធ្វើសកម្មភាពនេះ ត្រូវបាន ប្រជាពលរដ្ឋឃើញ ក៏រាយការណ៍ជូនសមត្ថកិច្ច ចេញ អន្តរាគមន៍បង្រ្កាបឃាត់ខ្លួនជនសង័្សយបានម្នាក់ ក្នុងខណៈបក្ខពួកម្នាក់ទៀតបានរត់គេចខ្លួនបាត់ ដោយបន្សល់ទុកនូវទ្រព្យសម្ភារៈរបស់ជនរងគ្រោះនៅទីនោះ ដែលពួកគេមិនអាចយកទៅបាន។

បច្ចុប្បន្នជនសង្ស័យខាងលើ ត្រូវបានសមត្ថកិច្ចកសាងសំណុំរឿងអនុវត្តតាមនីតិវិធីច្បាប់ ។ រីឯទ្រព្យសម្ភារៈរបស់ជនរងគ្រោះបានប្រគល់ជូនគាត់វិញ៕