រាជធានីភ្នំពេញ ៖ ភេទទី៣ម្នាក់ បានបើករថយន្តម៉ាកព្រូសមួយគ្រឿង សង្ស័យក្នុងល្បឿនលឿន បានរេចង្កូតទ្បើងសួនច្បារផ្លូវជាតិលេខ៦A បណ្ដាលឲ្យខូចខាតផ្កាអស់១ផើង និងបង្គោលភ្លើងមួយដើម វៀច សំណាងណាស់គ្មានអ្នករបួស ចំណែករថយន្តខ្ទេចក្បាលខាងមុខ បង្កការភ្ញាក់ផ្អើលនៅម៉ោង ៩យប់ ថ្ងៃទី២៩ ខែសីហា ឆ្នាំ២០២១ នៅតាមបណ្ដោយផ្លូវជាតិលេខ៦A សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

ប្រភពព័ត៌មានពីប្រជាពលរដ្ឋ បានឲ្យដឹងថា មុនពេលកើតគេបានឃើញភេទទី៣ម្នាក់ បានបើករថយន្ដព្រូស ដែលពាក់ស្លាកលេខ ភ្នំពេញ 2BH-2812 យ៉ាងលឿន បានធ្វើដំណើរតាមបណ្ដោយជាតិលេខ ៦A បានរ៉េចង្កូតទៅបុកសួនផ្កា និងប៉ះបង្គោលភ្លើងបំភ្លឺផ្លូវ បណ្ដាលឲ្យវៀច១ដើម ចំណែករថយន្តខ្ទេចក្បាលខាងមុខ ផ្អើលដល់បងប្អូនប្រជាពលរដ្ឋ និងសមត្ថកិច្ចចុះមកធ្វើការវាស់វែង យករថយន្តខាងលើ ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមច្បាប់បន្តទៀត ៕