ខេត្តព្រះសីហនុ ៖ កម្លាំងការិយាល័យប្រឆាំងគ្រឿងញៀន មន្ទីរស្រាវជ្រាវនិងបង្ក្រាបបទល្មើស កងរាជអាវុធហត្ថខេត្ត បានកសាងសំណុំរឿងបញ្ជូនជនសង្ស័យ ០២នាក់ រួមនឹងវត្ថុតាងមួយចំនួន ទៅអយ្យការអមសាលាដំបូងខេត្ត ពាក់ព័ន្ធនឹងករណីជួញដូរ និងប្រើប្រាស់ដោយខុសច្បាប់នូវសារធាតុញៀន នៅវេលាម៉ោង០៩ព្រឹក ថ្ងៃទី២៩ ខែសីហា ឆ្នាំ២០២១ ម្សិលមិញនេះ។

ជនសង្ស័យទី១ឈ្មោះ ងាំ រ៉ា ភេទប្រុស អាយុ៣១ឆ្នាំមុខរបរ រត់ម៉ូតូឌុប ទីលំនៅបច្ចុប្បន្នក្រុមទី៣១ ភូមិ៣ សង្កាត់១ ក្រុងព្រះសីហនុ និងជនសង្ស័យទី២ឈ្មោះ អ៊ឹម សម្បត្តិ ភេទប្រុស អាយុ៣៩ឆ្នាំ មុខរបរ មិនពិតប្រាកដ ទីលំនៅបច្ចុប្បន្នភូមិ២ ឃុំទំនប់រលក ស្រុកស្ទឹងហាវ។

ក្នុងនោះ វត្ថុតាងដែលសមត្ថកិច្ចដកហូតបាន រួមមាន ម្សៅសថ្លា ចំនួន ០៦កញ្ចប់, ទូរស័ព្ទដៃ ០២គ្រឿង, ម៉ូតូ ០១គ្រឿង, លុយខ្មែរ ៦២.៥០០រៀល ៕