ខេត្តបាត់ដំបង ៖ យោងតាមផេក ស្នងការដ្ឋាននគរបាលខេត្តបាត់ដំបង, ជនសង្ស័យម្នាក់ ត្រូវបានប្រពន្ធប្តឹងសមត្ថកិច្ចស្រុកមោងឫស្សីឲ្យចាប់ខ្លួន នៅព្រឹកថ្ងៃទី២៩ ខែសីហា ឆ្នាំ២០២១ ក្រោយជនសង្ស័យដែលជាប្តីចុងរូបនេះ បានធ្វើសកម្មភាពចាប់រំលោភកូនស្រីរបស់គាត់ ដែលជាកូនរបស់ប្តីមុន បានសម្រេចរហូតដល់២លើក ។
សមត្ថកិច្ចបានឲ្យដឹងថា ជនសង្ស័យជាប្តីចុង មានអាយុ ២៦ឆ្នាំ រស់នៅស្រុកមោងឫស្សី ខេត្តបា ត់ដំបង ត្រូវសមត្ថកិច្ចឃាត់ខ្លួន នាំមកកាន់អធិការដ្ឋាននគរបាលស្រុក ដើម្បីធ្វើការ សាក សួរ ស្រាវជ្រាវ ស្របតាមពាក្យបណ្តឹងរបស់ស្ត្រី អាយុ ២៩ ឆ្នាំ ដែលបានប្តឹ ង ចោទប្រកាន់ចំពោះបុរសជាប្តីចុងរូបនេះ ថាបានចាប់រំលោភ សេពសន្ថវៈទៅលើកូនស្រី របស់គាត់ (កូន ប្តីមុន ) អាយុ ១៣ឆ្នាំ កាលពីប៉ុន្មានថ្ងៃកន្លង ទៅនេះ។
នៅពេលធ្វើការសាកសួរ ជនសង័្សយជាឪពុកចុងរូបនេះ បានឆ្លើយសារភាពថា រូបគាត់ពិតជាបាន ប្រព្រឹត្ត សកម្មភាពដូចការចោទប្រកាន់នោះមែន រហូតចំនួន០២លើកមកហើយ។
ពេលនេះសមត្ថកិច្ចនគរបាលកំពុងរៀបចំក សាងសំណុំរឿងបញ្ជូនមកការិយាល័យជំនាញ ដើម្បីអនុវត្តតាមផ្លូវច្បាប់៕
