ខេត្តបាត់ដំបង ៖ យោងតាមផេក ស្នងការដ្ឋាននគរបាលខេត្តបាត់ដំបង បានឲ្យដឹងថា ជនសង្ស័យម្នាក់ ត្រូវបានសមត្ថកិច្ចស្រាវជ្រាវឃាត់ខ្លួនបាន បញ្ជូនយកមកធ្វើការសាកសួរ ក្រោយលួចម៉ូតូរបស់ប្រជាពលរដ្ឋ កាលពីវេលាម៉ោង ១០និង៣០នាទី ថ្ងៃទី២៨ ខែសីហា ឆ្នាំ២០២១ នៅចំណុចភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង ។
សមត្ថកិច្ចបានឲ្យដឹងថា ជនសង្ស័យ ឈ្មោះ សួង វុទ្ធី ភេទប្រុស អាយុ៤០ឆ្នាំ រស់នៅភូមិសូភី១ សង្កាត់រតនៈ ក្រុងបាត់ដំបង ខេត្តបាត់ដំបង ។ ដកហូតបាន ម៉ូតូចំនួន ០១គ្រឿងដែលជារបស់ជនងគ្រោះ។
សមត្ថកិច្ចបានបន្តថា ជនសង័្សយខាងលើ បានធ្វើសកម្មភាពលួចយកម៉ូតូចំនួន ០១គ្រឿង ជារបស់ជនរងគ្រោះឈ្មោះ តឿ ឡែន ភេទប្រុស អាយុ២៧ឆ្នាំ រស់នៅភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ដែលម៉ូតូម៉ាកស៊ុយស៊ុយ អេចសេឡូ ពណ៌ក្រហម។ នៅពេលដឹងថាបាត់ម៉ូតូ ជនរងគ្រោះជាម្ចាស់បានរាយការណ៍ផ្តល់ព័ត៌មានដល់សមត្ថកិច្ចនគរបាល ហើយតាមរយៈព័ត៌មាននេះ សមត្ថកិច្ចបានស្រាវជ្រាវនិងឈានដល់ការឃាត់ខ្លួនបាននៅក្នុងថ្ងៃដដែលនោះនិងដកហូតវត្ថុតាងប្រគល់ជូនជនងគ្រោះវិញ។
បច្ចុប្បន្នជនសង្ស័យត្រូវបាន សមត្ថកិច្ចបានរៀបចំសំណុំរឿងបញ្ជូនទៅកាន់សាលាដំបូងខេត្តបាត់ដំបង ដើម្បីអនុវត្តបន្តតាមនីតិវិធីច្បាប់៕
