ខេត្តបាត់ដំបង ៖ យោងតាមផេក ស្នងការដ្ឋាននគរបាលខេត្តបាត់ដំបង បានឲ្យដឹងថា ក្រុមក្មេងទំនើងប្រដាប់អាវុធ២ក្រុម បើកឆាកប្រយុទ្ធគ្នាប្រសាចតាមដងផ្លូវ ត្រូវបាន កម្លាំងអធិការដ្ឋាននគរបាលស្រុកបវេល ដឹកនាំ លោកវរសេនីយ៍ឯក សុខ សារិន អធិការស្រុក ឃាត់ខ្លួនបានចំនួន ១៣នាក់ និងវត្ថុតាងមានកាំបិត ចំនួន០៣ដើម និងម៉ូតូចំនួន០៦គ្រឿង កាលពីថ្ងៃទី៤ ខែកញ្ញា ឆ្នាំ២០២១ បញ្ជូនមកកាន់ការិយាល័យជំនាញ នៃស្នងការដ្ឋាននគរបាលខេត្តបាត់ដំបង។
សមត្ថកិច្ចបានឲ្យដឹងថា កាលពីយប់ថ្ងៃទី ០៣ ខែ កញ្ញា ឆ្នាំ ២០២១ វេលាម៉ោង២០ និង១០នាទី នៅចំណុ ចវាលស្រែ១០០ ក្នុងភូមិសង្កែវារ ឃុំបវេល ស្រុកបវេល ខេត្តបា ត់ដំ បង ក្រុមយុវជនបង្អនាធិបតេយ្យ ចំនួន០២ក្រុម បានប្រើប្រាស់កាំបិត ដេញកាប់គ្នា បង្កឲ្យមានការភ្ញាក់ផ្អើលដល់ប្រជាពល រដ្ឋក្នុងមូលដ្ឋាន បន្ទាប់ពីពួកគេបានប៉ះពារពាក្យសំដីគ្នាតែបន្តិចចន្តួចតែប៉ុណ្ណោះ ។
ទទួលបានព័ត៌មាននេះភ្លាម សមត្ថកិច្ចនគរបាល បានចាត់វិធានការបង្រ្កាបឃាត់ខ្លួនក្រុមយុវជនទាំង២ក្រុម ដែលក្នុងនោះគឺ៖
ក្រុមទី០១មានឈ្មោះ៖
១-ឈ្មោះ យុន សឹងយ៉ាន់ណា ភេទប្រុស នៅភូមិ បវេល១ ឃុំបវេល ស្រុកបវេល។
២-ឈ្មោះ វ៉ុន ចានរ័ត្ន ភេទប្រុស នៅភូមិសង្កែវារ ឃុំបវេល ស្រុកបវេល។
៣-ឈ្មោះ មាស សំណាង (ម៉ាក) ភេទប្រុស នៅ ភូមិបវេល១ ឃុំបវេល។
៤-ឈ្មោះ រស់ គឹមហាន់ ភេទប្រុស នៅភូមិក្ដុល ឃុំក្ដុលតាហែន ស្រុកបវេល។
៥-ឈ្មោះ លី ប៊ុនទី ភេទប្រុស នៅភូមិក្ដុល ឃុំក្តុលតាហែន ស្រុកបវេល។
៦-ឈ្មោះ ហ៊ីង មួន ភេទប្រុស នៅភូមិក្ដុល ឃុំក្តុលតាហែន ស្រុកបវេល។
៧-ឈ្មោះ រឿន ចាន់តារ៉ា ភេទប្រុស នៅភូមិក្ដុល ឃុំក្ដុលតាហែន ស្រុកបវេល។
៨-ឈ្មោះ កឿន ប៊ុនហេង ភេទប្រុស នៅភូមិខ្នាចរមាស ឃុំខ្នាចរមាស ស្រុកបវេល។
៩-ឈ្មោះ ខ្លឹង សីហា ភេទប្រុស នៅស្រុកថ្មគោល។
១០-ឈ្មោះ ធី បញ្ញា ភេទប្រុស នៅស្រុកកំរៀង។
១១-ឈ្មោះ រឿន ចាន់គោរព ភេទប្រុស នៅភូមិពាម ឃុំបវេល ស្រុកបវេល ខេត្តបាត់ដំបង។
ក្រុមទី០២មានឈ្មោះ៖
១-ឈ្មោះ លិញ តុលា ភេទប្រុស នៅភូមិទំនប់ ទឹក ឃុំបវេល ។
២-ឈ្មោះ វណ្ណះ ចាន់ន្នី ភេទប្រុស នៅភូមិទំនប់ទឹក ឃុំបវេល ។
ក្នុងចំណោមមនុស្សចំនួន១៣នាក់នេះ នៅមានបក្សពួកគេចំនួន០២នាក់ទៀត បានគេចខ្លួនផុត មុនពេលសមត្ថកិច្ចទៅដល់ កន្លែងកើតហេតុ ប៉ុន្តែសមត្ថកិច្ចបាន ស្គាល់អត្តសញ្ញាណគាត់រួចហើយ ៕
