ក្រុងព្រះសីហនុ ៖ គ្រោះថ្នាក់ចរាចរណ៍មួយកើតឡើង រវាងរថយន្តម៉ាកFord Rabtor ស្លាកលេខ ខេមរភូមិន្ទ និងPass Appមួយគ្រឿង បណ្តាលឲ្យភាគីអ្នកបើកPassApp រងរបួស បង្កការភ្ញាក់ផ្អើលនៅម៉ោង ជិត១១យប់ថ្ងៃទី០៦ ខែកញ្ញា ឆ្នាំ២០២១ នៅតាមបណ្តោយវិថីឯករាជ្យ ម្តុំខាងមុខស្នងការខេត្តព្រះសីហនុ ស្ថិតនៅក្នុងភូមិ២ សង្កាត់លេខ៣ ក្រុងព្រះសីហនុ ខេត្តព្រះសីហនុ ។

ប្រភពពីសមត្ថកិច្ច បានឲ្យដឹងថា ករណីគ្រោះថ្នាក់ចរាចរណ៍ខាងលើ គឺពិតជាមានពិតប្រាដកមែន រវាងរថយន្តមួយគ្រឿងម៉ាកFord Rabtor ពណ៌ខ្មៅ ពាក់ស្លាកលេខខេមរភូមិន្ទ02 2-1475 បានប៉ះទង្គិចគ្នាជាមួយនិងPass App មួយគ្រឿង ពណ៌ស ពាក់ស្លាកលេខ តាកែវ 1U-9702 ខណៈPass App កំពុងឆ្លងថ្នល់ ហើយរថយន្តមានទិសដៅតាមបណ្តោយវិថីឯករាជ្យ ធ្វើដំណើរពីចំណោតខាងមុខមន្ទីរអប់រំយុវជននិងកីឡា ឆ្ពោះមកត្រីដូហ្វីន បណ្តាលឲ្យបុរសម្នាក់ភាគីខាង Pass App រងរបួសស្រាល ។

សមត្ថកិច្ចបានបញ្ជាក់បន្ថែមថា ក្រោយពេលកើតហេតុភាគីខាងរថយន្តសងសំណង ចំនួន១០០០ដុល្លារ ទៅភាគីរងគ្រោះ ដើម្បីបញ្ចប់រឿងនៅនឹងកន្លែងកើតហេតុ ៕