ខេត្តបាត់ដំបង ៖ យោងតាមផេក ស្នងការដ្ឋាននគរបាលខេត្តបាត់ដំបង បានឲ្យដឹងថា កាលពីថ្ងៃទី៧ ខែ កញ្ញា ឆ្នាំ ២០២១វេលាម៉ោង ១០ និង៣៩នាទី នៅចំ ណុចក្រុ មទី១២ ភូមិពពាលខែ ឃុំជ្រៃ ស្រុកថ្មគោល ខេត្តបាត់ដំបង លោកវរសេនីយ៍ទោ សេង លុច អធិការនគរ បាលស្រុកថ្មគោល បានដឹកនាំធ្វើការ បង្រ្កាប ករណីលួចយក ទ្រព្យសម្បត្តិ ក្នុងលំនៅដ្ឋានមួយករណី ដោយបានឃាត់ខ្លួនជនសង្ស័យ ម្នាក់។

សមត្ថកិច្ចបានឲ្យដឹងថា ជនសង្ស័យមានឈ្មោះ ណាក់ ណាត ហៅ ឃ្លោក ភេទប្រុស អាយុ២៧ឆ្នាំ មានទីលំនៅភូមិវត្តរកា សង្កាត់អូរម៉ាល់ ក្រុងបាត់ដំបង ខេត្តបាត់ដំបង និងដកហូតបាន៖

-ម៉ូតូចំនួន ០១គ្រឿងម៉ាកហុងដាក្លិច ស៊េរី ២០១៩ ពណ៌ស ពាក់ស្លាកលេខបាត់ដំបង1AI-8035

-ចានបាយជ័រចំនួន១០

-ចានចង្កឹះជ័រចំនួន០៧

-ចានសម្លជ័រចំនួន០១

-ស្លាបព្រាវែងចំនួន០៥.ខ្លីចំនួន០៥

-កាំបិតប៉័ងតោដងឈើចំនួន ០២ (តូច០១)

-ប៉ៅអ៉ីបត់ដែកចំនួន០១

សមត្ថកិច្ចបានឲ្យដឹងថា ជនសង័្សយបានធ្វើសកម្មភាពផ្លោះរបងចូលក្នុងចំការ-ដីឡូតិ៍ នៅ ចំណុចកើតហេតុនេះ ចូល លួច យកទ្រព្យសម្បត្តិរបស់ជនរងគ្រោះឈ្មោះ ឌី ជឺ ឈាំង ភេទប្រុស អាយុ ២០ឆ្នាំ ដែលមានទីលំនៅអចិន្រ្តៃយ៍ នៅភូមិផ្កាស្លា សង្កាត់ចំការសំរោង ក្រុងបាត់ដំបង ខេត្តបាត់ដំបង លួចយកទ្រព្យសម្បត្តិខាងលើ។ ពេលកំពុងធ្វើសកម្មភាពនេះ ត្រូវបានសមត្ថកិច្ចនគរបាលបង្រ្កាប និងឃាត់ខ្លួនបាន និងនាំយក មកអនុវត្តតាមផ្លូវច្បាប់៕