រាជធានីភ្នំពេញ ៖ ឃ្លាំង ស្តុក គ្រឿង ចក្រ មួយកន្លែង ត្រូវបានអគ្គិភ័យឆាបឆេះ យ៉ាងសន្ធោសន្ធៅ បង្កការភ្ញាក់ផ្អើលដល់បងប្អូនប្រជាពលរដ្ឋ និងសមត្ថកិច្ចចុះមកបាញ់ពន្លត់ កាលពីវេលាម៉ោង២ និង ៤០ នាទីរសៀល ថ្ងៃទី១២ ខែកញ្ញា ឆ្នាំ២០២១ ស្ថិត តាម បណ្តោយ ផ្លូវ លំ ក្រុម ទី ៥ ភូមិ ទួល ពពែ សង្កាត់ ទួល សង្កែ ទី ២ ខណ្ឌ ឫស្សីកែវ រាជធានីភ្នំពេញ ។
សមត្ថកិច្ចបានឲ្យដឹងថា ម្ចាស់ទីតាំងមានឈ្មោះ វ៉ែន វណ្ណៈ ភេទ ប្រុស អាយុ ៤១ ឆ្នាំ មុខរបរ នៅ ផ្ទះ បាន ឆ្លងចរន្តអគ្គិសនី បង្កជាអណ្តាតភ្លើងឆេះ រោងឈើ ប្រក់ ស័ង្កសី ទំហំ ០២×០៦ ម៉ែត្រ អស់ចំនួន ០១ ខ្នង ឆេះ សម្ភារៈ គ្រឿង បន្លាស់ គ្រឿង ចក្រ ក្នុង ទូ រកុងតឺន័រទំហំ ០២x០៦ ម៉ែត្រ អស់ ចំនួន ០១ ទូ រ នឹងពុំបណ្ដាលអោយឆេះរាលដាលដល់ផ្ទះអ្នកជិតខាងឡើយ ។
ភ្លាមៗគេឃើញមាន រថយន្តការិយា ល័យ អគ្គិភ័យ ចំនួន ១០ គ្រឿង ប្រើប្រាស់ទឹក ចំនួន ០៥ឡាន ស្មើនឹង ២០ម៉ែត្រគូប និង រថយន្តជំនួយ សាលា ខណ្ឌ ឫស្សីកែវ ចំនួន ០១ គ្រឿង ប្រើប្រាស់ទឹក ចំនួន ០១ឡាន ស្មើនឹង ០៤ម៉ែត្រគូប ទើបរលត់ទៅវិញនៅម៉ោង៣និង១០ នាទីរសៀល ថ្ងៃដដែល ៕ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ
