រាជធានីភ្នំពេញ ៖ បុរសកម្មករលីអីវ៉ាន់នៅផ្សារអូឡាំពិកម្នាក់ស្រវឹងស្រា យកឈើចុ..ងស្រួ..ចចា..ក់..ក នឹងឡា..មអា.រ.ដៃ..ខ្លួ.នឯង បណ្ដាលឲ្យរងរបួ.សហូរឈា.មស្រោ.ចពេញខ្លួន ត្រូវបានប្រជាពលរដ្ឋនៅកន្លែងកើតហេតុ លើកដាក់កង់បីបញ្ជូនទៅមន្ទីរពេទ្យមិត្តភាពខ្មែរ-សូវៀត ដើម្បីជួយសង្រ្គោះ កាលពីវេលាម៉ោង១០ និង៣០នាទី ព្រឹកថ្ងៃទី១៤ ខែកញ្ញា ឆ្នាំ២០២១ ស្ថិតនៅត្រង់ចំណុចបេនឡានផ្សារអូឡាំពិក សង្កាត់អូឡាំពិក ខណ្ឌបឹងកេងកង រាជធានីភ្នំពេញ។

ជនរងគ្រោះមានឈ្មោះ លីដា ភេទប្រុស អាយុជាង ៣០ឆ្នាំ មុខរបរនិងស្នាក់នៅមិនពិតប្រាកដ។

តាមប្រភពព័ត៌មានពីប្រជាពលរដ្ឋ នៅកន្លែងកើតហេតុបានអោយដឹងថា ជនរងគ្រោះ ពីមុនជាកម្មករលីអីវ៉ាន់នៅផ្សារអូឡាំពិក ក្រោយពីឈប់ធ្វើការ ដើរផឹកស្រាស្រវឹងរាល់ថ្ងៃ លុះដល់វេលាកើតហេតុ ឃើញបុរសរងគ្រោះ ផឹកស្រាស្រវឹងមកអង្គុយត្រង់ចំណុច កើតហេតុខាងលើ យកឈើចុងស្រួចចាក់ក ខ្លួនឯងនិងយកឡាមអារដៃ ហូរឈាមស្រោចពេញខ្លួន បណ្ដាលអោយរងរបួសធ្ងន់ ត្រូវបានប្រជាពលរដ្ឋនៅកន្លែងកើតហេតុ ឃើញហេតុការណ៍ជួយចាប់នឹងលើកដាក់កង់បីបញ្ជូនទៅមន្ទីពេទ្យមិត្តភាពខ្មែរ-សូវៀតដើម្បីជួយសង្រ្គោះទាន់ពេល បង្កអោយមានការភ្ញាក់ផ្អើលកើតឡើងដល់បងប្អូនប្រជាពលរដ្ឋ ដែលធ្វើដំណើរតាមដងផ្លូវ និងសមត្ថកិច្ចមូលដ្ឋានចុះមកដល់ទីតាំងកន្លែងកើតហេតុផងដែរ ៕ មេសា