ខេត្តកណ្តាល ៖ យោងតាមផេក អធិការដ្ឋាននគរបាល ស្រុកពញាឭ បានឲ្យដឹងថា ស្រីស្នេហ៍ ប្រុសស្នេហ៍ ១គូ ជួលផ្ទះស្នាក់នៅ ធ្វើសកម្មភាព ជួញដូរថ្នាំញៀន ត្រូវកម្លាំងនៃអធិការដ្ឋាននគរបាលស្រុកពញាឮ ចាប់បង្ក្រាបរួមជាមួយថ្នាំញៀនម៉ាទឹកក ជិតមួយគីឡូក្រាម កាលពីវេលាម៉ោង២រសៀល ថ្ងៃទី១១ ខែកញ្ញា ឆ្នាំ២០២១ នៅភូមិតាពេទ្យ ឃុំជ្រៃលាស់ ស្រុក ពញាឮ ខេត្តកណ្តាល។

ក្នុងនោះសមត្ថកិច្ចបានធ្វើការឃាត់ខ្លួនជនសង្ស័យសរុប ចំនួន ០៥ នាក់ ស្រីម្នាក់ ដកហូតបាន សារធាតុញៀន មេតំហ្វេតាមីន ( ម៉ាទឹកកក) ចំនួន ១៦ កញ្ចប់ ( កញ្ចប់ធំ ០៦ , កញ្ចប់តូច ១០ ) ទម្ងន់សរុប ៦០១ , ៨៤ ក្រាម, ទូរសព្ទ័ចម្រុះ ចំនួន ០៥ គ្រឿង,ឧបករណ៍ប្រើប្រាស់សារធាតុញៀន មួយចំនួន និងម៉ូតូ ចំនួន ០៥ គ្រឿង។

ដោយដំបូងឡើយសមត្ថកិច្ចឃាត់ខ្លួនបានជនសង្ស័យ៣នាក់ ៖

១_ឈ្មោះ ង៉ែត យូឡុង ភេទប្រុស អាយុ ៣៤ ឆ្នាំ ជនជាតិខ្មែរ មុខរបរបើករថយន្ត មានទីលំនៅ ភូមិ តាគោ ឃុំ ជ្រៃលាស់ ស្រុក ពញាឮ ខេត្ត កណ្តាល (ជួញដូរ )មានសារធាតុញៀន ក្នុងទឹកនោម ។

២_ឈ្មោះ ឈឺន ផានី ភេទប្រុស អាយុ ៣០ ឆ្នាំ ជនជាតិខ្មែរ មុខរបរកម្មករ មានទីលំនៅភូមិ តាពេទ្យ ឃុំ ជ្រៃលាស់ ស្រុក ពញាឮ ខេត្ត កណ្តាល ឍ( ប្រើប្រាស់ )មានសារធាតុញៀនក្នុងទឹកនោម ។

៣_ឈ្មោះ ម៉ៃ គឹមហឿន ហៅរាជ ភេទប្រុស អាយុ ៣៤ ឆ្នាំ ជនជាតិខ្មែរ មុខរបរបើកបររថយន្ត មានទីលំនៅ ភូមិ តាពេទ្យ ឃុំ ជ្រៃលាស់ ស្រុក ពញាឮ ខេត្ត កណ្តាល ( ប្រើប្រាស់ )មានសារធាតុញៀនក្នុងទឹកនោម ។

ដកហូតបាន សារធាតុញៀនមេតំហ្វេតាមីន(ice)ចំនួន ០៧ កញ្ចប់តូច ទម្ងន់ ១,១៧ ក្រាម ,ឧបករណ៍ប្រើប្រាស់សារធាតុញៀនមួយចំនួន,ទូរសព្ទ័ ចំនួន ០៣ គ្រឿង ម៉ូតូ ចំនួន ០៣ គ្រឿង (១-ម៉ាក Honda PCX ពណ៌ស លាយឈាមជ្រូក ផលិតឆ្នាំ២០១៥ ពាក់ស្លាកលេខ ភ្នំពេញ 1FE-9090 , ២-ម៉ាក Let's ពណ៌ស លាយក្រហម ផលិតឆ្នាំ២០១៥ ពាក់ស្លាកលេខ ភ្នំពេញ 1CF-1671 , ៣-ម៉ាក SUZUKI Smash Revo ពណ៌ខ្មៅ ផលិតឆ្នាំ២០០៩ ពាក់ស្លាកលេខ ភ្នំពេញ 1AD-1501) ។

លុះវេលាម៉ោង៣ និង ៤០ នាទីរសៀល សមត្ថកិច្ចបានបន្តចុះឆែកឆេរ ផ្ទះជួលរបស់ឈ្មោះ សុខ គឹមសាក់ ភូមិ ស្លែង ឃុំ ជ្រៃលាស់ ស្រុក ពញាឮ ខេត្ត កណ្តាល ឃាត់ខ្លួនបានជនសង្ស័យ២នាក់បន្ថែមទៀត ៖

១_ឈ្មោះ សុខលី ឆវ័ន្ត ហៅ សាត វណ្ណឌី ហៅឌី ភេទប្រុស អាយុ ៤៦ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិ ប្រជាធម្មលិច សង្កាត់ ផ្សារកណ្តាល ក្រុង ប៉ោយប៉ែត ខេត្តបន្ទាយមានជ័យ ( ជួញដូរ ) មានសារធាតុញៀនក្នុងទឹកនោម ធ្លាប់ជាប់ពន្ធនាគារព្រៃស ចំនួន២ឆ្នាំ (២០១៤ ដល់ ២០១៦ ) ។

២_ឈ្មោះ សុខ គឹមសាក់ ភេទស្រី អាយុ ២៥ ឆ្នាំ ជនជាតិខ្មែរ មុខរបរកម្មការីនី មានទីលំនៅភូមិ ស្លែងដីដុះ ឃុំ ព្រែកតាទែន ស្រុក ពញាឮ ខេត្ត កណ្តាល បច្ចុប្បន្នស្នាក់នៅផ្ទះជួល ភូមិស្លែង ឃុំ ជ្រៃលាស់ ស្រុក ពញាឮ ខេត្តកណ្តាល ( ជួញដូរ )មានសារធាតុញៀនក្នុងទឹកនោម ។

ដកហូតបាន សារធាតុញៀនមេតំហ្វតាមីន(ice) ចំនួន ០៩ កញ្ចប់ (ធំ ៦ កញ្ចប់ , តូច ៣ កញ្ចប់ ) ទម្ងន់ ៦០០,៦៧ ក្រាម,ទូរសព្ទចំនួន ០២ គ្រឿង ,ម៉ូតូចំនួន ០២ គ្រឿង ( ម៉ាក PCX ពណ៌ស ផលិតឆ្នាំ២០១៣ ពាក់ស្លាកលេខ ភ្នំពេញ 1CK-1311 និង ម៉ាក Honda Dream C125 ពណ៌ខ្មៅ ផលិតឆ្នាំ២០២១ ពាក់ស្លាកលេខ ភ្នំពេញ 1IS-9402 ) ។

មុននឹងឈានដល់ការចុះបង្ក្រាប សមត្ថកិច្ចទទួលបានព័ត៌មានពីប្រជាពលរដ្ឋ ថានៅចំណុច ផ្ទះរបស់ឈ្មោះ ឈឺន ផានី មានការប្រមូលផ្តុំគ្នាធ្វើសកម្មភាពជួញដូរនិង ប្រើប្រាស់គ្រឿងញៀន មានឈ្មោះ ឡុង ជាអ្នកលក់ថ្នាំ ទៅពីភូមិតាគោ ។

ក្រោយពីទទួលបានព័ត៌មានរួចភ្លាម កម្លាំងជំនាញបានសហការជាមួយកម្លាំងប៉ុស្តិ៍នគរបាលរដ្ឋបាលជ្រៃលាស់ និង ឈ្វាំង ចុះទៅដល់ចំណុចកើតហេតុឃើញជនសង្ស័យកំពុងជួបជុំគ្នាធ្វើសកម្មភាពជួញដូរគ្រឿងញៀន ក៏បានធ្វើការបង្ក្រាបចាប់ឃាត់ខ្លួនបានជនសង្ស័យចំនួន ០៣ នាក់ និងចាប់យកវត្ថុតាងមានក្នុងចំណុចគោលដៅទី១ ខាងលើ ។

ផ្តើមចេញពីចម្លើយសារភាពរបស់ជនសង្ស័យឈ្មោះ ង៉ែត យូឡុង ( តែងតែទិញពីនារីឈ្មោះ សាក់ និង ប្តីឈ្មោះឌី ) កម្លាំងយើងបានបន្តនីតិវិធីស្រាវជ្រាវ តាមបង្ក្រាបចាប់ឃាត់ខ្លួនបានជនសង្ស័យចំនួន ០២ នាក់ទៀត និង ចាប់យកវត្ថុតាង មានដូច ក្នុងចំណុចគោលដៅទី២ ខាងលើ ។ ជនសង្ស័យ រួមជាមួយវត្ថុតាង ត្រូវបានបញ្ចូនមកកាន់អធិការដ្ឋាន ដើម្បីសាកសួរ ។

នៅចំពោះមុខសមត្ថកិច្ចជនសង្ស័យឈ្មោះ ង៉ែត យូឡុង បានសារភាពថា៖ ថ្នាំញៀនដែលខ្លួនយកមកជួញដូរនេះគឺទិញពីឈ្មោះ សុខ គឹមសាក់ ភេទស្រី នៅភូមិស្លែង ឃុំជ្រៃលាស់ ស្រុកពញាឮ ខេត្តកណ្តាល ។ ដោយទិញម្តងៗពី ៣០មុឺនរៀល និង ១០០$ យកមករំលែកលក់បន្ត ពេលដែលលក់អស់ទើបទៅទិញទៀត ។

ចំណែកជនសង្ស័យឈ្មោះសុខលី ឆវ័ន្ត ហៅ សាត វណ្ណឌី ហៅឌី បានសារភាពនៅចំពោះមុខសមត្ថកិច្ចថា៖ ថ្នាំញៀនដែលខ្លួនទិញមកនេះគឺក្នុងអំឡុងថ្ងៃទី៥ ខែកញ្ញា ឆ្នាំ២០២១ ចំនួន ១០ ដុំ ស្មើនឹង១គីឡូក្រាម តម្លៃ ៥៥០០$ ទិញពីឈ្មោះ ស្រីនាង ភេទស្រី និង ឈ្មោះ វីត ភេទប្រុស នៅខេត្តសៀមរាប ដែលបម្រើការងារតាមក្លឹបកំសាន្ត។ យកមកលក់ក្នុងបន្ត ក្នុង ១ដុំ(ប្រហែល១ខាំ) តម្លៃ១៣០០$ ( មួយពាន់បីរយដុល្លា) លក់អោយទៅឈ្មោះ ង៉ែត យូឡុង បានចំនួន បី ទៅ បួនលើកមកហើយ ៕