រាជធានីភ្នំពេញ ៖ ស្ត្រីម្នាក់បានមកលើស្ពានជ្រោយចង្វារ គិតអ្វីមិនចេញ បម្រុងនឹងគិតខ្លី លោតទឹកសម្លាប់ខ្លួន តែមិនបានសម្រេចត្រូវបានបងប្អូនប្រជាពលរដ្ឋ បានឃើញស្ទុះទៅជួយឃាត់ និងលួងលោម បង្កការភ្ញាក់ផ្អើលនៅម៉ោង ១១និង៣៥នាទីយប់ ថ្ងៃទី១៥ ខែកញ្ញា ឆ្នាំ២០២១ នៅ លើ ស្ពាន ជ្រោយចង្វារ ថ្មី ក្នុង សង្កាត់ ស្រះ ចក ខណ្ឌដូនពេញ រាជធានីភ្នំពេញ។
បើតាមការសាកសួរ ស្ត្រីដែលមកព្យាយាមបញ្ចប់ជីវិតខ្លួនឯងនេះ គឺជាស្ត្រី មេម៉ាយមាន អាយុ ២៧ ឆ្នាំ ស្នាក់ នៅផ្ទះ ម្តុំ ផ្សារ ទួល សង្កែ សង្កាត់ ទួល សង្កែ ១ ខណ្ឌឫស្សីកែវ រាជធានីភ្នំពេញ មាន កូន ៣នាក់ ខកចិត្ត នឹង រឿង ស្នេហា មិនសមបំណងជាលើក ទី ២ មិន សម ដូច បំណង ។
ស្ត្រីខាងលើ បានបន្តថា គាត់ធ្លាប់ចង់សម្លាប់ខ្លួនម្តងរួចហើយ តែមិនសម្រេចប្តីមកទាន់ លុះយប់ថ្ងៃកើតហេតុ ក៏មានទំនាស់ជាមួយប្តី ក៏មកលើស្ពានជ្រោយចង្វារ ដើម្បីបញ្ចប់ជីវិតតែម្តង ប៉ុន្តែត្រូវបានបងប្អូនប្រជាពលរដ្ឋជាអ្នកដំណើរតាមដងផ្លូវបានឃើញ ក៏ឃាត់ទាន់ និងនិយាយលួងលោម រហូតគាត់គិតអ្វីដែលល្អឃើញ ក៏ លើក សំពះ ដៃ អរគុណ ទាំង ទឹកភ្នែក ហូរ ទើបព្រមត្រឡប់ទៅផ្ទះវិញ ៕
