ខេត្តកំពង់ស្ពឺ ៖ យោងតាមផេក អធិការដ្ឋាននគរបាលស្រុក គងពិសី បានឲ្យដឹងថា ជនសង្ស័យចំនួន៥នាក់ កំពុងផ្តុំគ្នាជក់គ្រឿងញៀន ក្នុងរោងសម្ងាត់ អស់លក្ខណ៍ត្រូវបាន កម្លាំងអធិការដ្ឋាននគរបាលស្រុក សហការជាមួយប៉ុស្តិ៍នគរបាលរដ្ឋបាលពេជ្រមុនី ធ្វើការចាប់ឃាត់ខ្លួនបាន កាលពីវេលាម៉ោង១០ និង៤០នាទី ថ្ងៃទី១៤ ខែកញ្ញា ឆ្នាំ២០២១ នៅចំណុចព្រៃខាងជើងភូមិចាស់ ឃុំពេជ្រមុនី ស្រុក គងពិសី ខេត្តកំពង់ស្ពឺ ។

ជនសង្ស័យទាំង៥នាក់ រួមមាន ៖

១. ឈ្មោះ ផៃ សុធា ភេទប្រុស អាយុ ២២ឆ្នាំ នៅភូមិត្រពាំងស្នួល ឃុំពេជ្រមុនី ។

២. ឈ្មោះ លឹម ចាន់ហ៊ី ភេទប្រុស អាយុ ២២ឆ្នាំ នៅភូមិត្រពាំងស្នួល ឃុំពេជ្រមុនី ។

៣. ឈ្មោះ ពេជ្រ សុខ(ប៉េត) ភេទប្រុស អាយុ ៣៦ឆ្នាំ នៅភូមិចាស់ ឃុំពេជ្រមុនី ។

៤. ឈ្មោះ អំ សំអ ភេទប្រុស អាយុ ២១ឆ្នាំ នៅភូមិចាស់ ឃុំពេជ្រមុនី។

៥. ឈ្មោះ ប៊ិ ពិសី ភេទប្រុស អាយុ ២៣ឆ្នាំ នៅភូមិពន្លឺខែ ឃុំពេជ្រមុនី។

ក្នុងនោះ សមត្ថកិច្ចដកហូតបានម្សៅក្រាមពណ៌សថ្លាសង្ស័យជាគ្រឿងញៀន ចំនួន ១៥កញ្ចប់ (មធ្យម២.តូច១៣) ទូរស័ព្ទដៃ ០២គ្រឿង ជញ្ជីងថ្លឹងអេឡិចត្រូនិច ០១គ្រឿង និងឧបករណ៍ប្រើប្រាស់មួយចំនួន ៕