អាវុធហត្ថខេត្តសៀមរាប បង្រ្កាបបទល្មើសនេសាទ ដកហូតវត្ថុតាងជាច្រើន
ខេត្តសៀមរាប៖ យោងតាមផេកផ្លូវការ GRK News បានឲ្យដឹងថា នៅយប់ថ្ងៃទី១៤ ខែកញ្ញា ឆ្នាំ២០២១ កម្លាំងអាវុធហត្ថខេត្តសៀមរាប បានសហការបង្រ្កាបបទល្មើសនេសាទ។
ការបង្ក្រាបនេះ កម្លាំងជំនាញ បានចាប់យកឧបករណ៍នេសាទខុសច្បាប់ដោយប្រើ អំពូលភ្លើងចាប់ត្រី(ឆ្នុក) នៅចំណុចវាលតាមោគ ភូមិមាត់ខ្លានិង ភូមិថ្មី ឃុំអន្លង់សំណរ ស្រុកជីក្រែង ។
ក្នុងនោះ កម្លាំងក៏បានចាប់យកសាច់ឆ្នុកក្រឡា៨លីទំហំ១៦គុណ១៦ជំរៅ១០ម៉ែត្រ, អំពូលឆ្នុក ០៨ដើម, អាគុយ៥០អំពែចំនួន១០គ្រាប់ ដុំភ្លើង០៨។
បច្ចុប្បន្នសម្ភារៈខុសច្បាប់ខាងលើ ត្រូវបានបញ្ជូនទៅមន្រ្តីឧទ្យានុរក្សប្រចាំស្នាក់ការ អន្លង់សំណរ(បរិស្ថាន)ចាត់ការនីតិវិធីបន្ត ៕
