រាជធានីភ្នំពេញ ៖ គ្រោះថ្នាក់ចរាចរណ៍មួយបានកើតឡើង រវាងរថយន្តហ៊ីយ៉ាន់ដាយ ដឹកសសរបេតុង បានបុកជាមួយរថយន្តឃ្លុបដឹកទំនិញ ពេលនោះ រថយន្តហ៊ីយ៉ាន់ដាយខាងលើ បានរេចង្កូតបុកឡើងលើខឿនសួនច្បារចែកទ្រូងផ្លូវ បណ្តាលឲ្យរងការខូចខាតយ៉ាងដំណំ កាលពីវេលាម៉ោង ៤ល្ងាច ថ្ងៃទី១៧ ខែកញ្ញា ឆ្នាំ២០២១ នៅចំណុចផ្លូវជាតិលេខ៣ ក្នុងសង្កាត់ភ្លើងឆេះ រទេះ ខណ្ឌកំបូល រាជធានីភ្នំពេញ។

តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុគេបាន រថយន្តឃ្លុប ពណ៌ស បើកតាមបណ្តោយផ្លូវជាតិលេខ៣ ពីជើងទៅត្បូង លុះដល់ចំណុចកើតហេតុ មានគេឆ្លងកាត់នៅខាងមុខ ក៏បន្ថយល្បឿន ក៏ត្រូវរថយន្តម៉ាកហ៊ីយ៉ាន់ដាយ ដឹកសសរថ្ម ពណ៌ ស មកពីក្រោយក្នុងល្បឿនលឿន បុកគូទរថយន្តឃ្លុប ខ្ទាតទៅម្ខាង រួចរថយន្តដឹកសសរថ្មនោះ ក៏បន្តល្បឿន បើកឡើងលើសួនច្បារពុះចែកទ្រូងផ្លូវបន្ថែមតែម្តង តែសំណាងគ្មានអ្នករងរបួសនោះទេ ។

ក្រោយកើតហេតុ សមត្ថកិច្ចនគរបាលជំនាញ បានចុះមកធ្វើការវាស់វែង និងស្ទូចយករថយន្ត ទៅរក្សាទុក រង់ចាំដោះស្រាយនៅពេលក្រោយតាមច្បាប់បន្តទៀត៕ មេសា