រជធានីភ្នំពេញ ៖ រថយន្តដឹកឥដ្ឋ បុកជាមួយរថយន្តកូរ៉ូឡា ចំចំហៀងខាងក្រោយ រុញមកបុកផ្ទប់នឹងក្បាលព្រួញចែកទ្រូងផ្លូវ ពេញទំហឹងបណ្តាលឲ្យបាក់ផ្លាកចរាចរណ៍២ដើម ខ្ទេចរថយន្តយ៉ាងដំណំ កាលពីវេលាម៉ោងជិត២រសៀល ថ្ងៃទី១៧ ខែកញ្ញា ឆ្នាំ២០២១ នៅលើផ្លូវ២១៧ សង្កាត់ដង្កោ ខណ្ឌដង្កោ រាជធានីភ្នំពេញ ។

បើតាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេឃើញរថយន្តកូរ៉ូឡាមួយគ្រឿង បើបរដោយបុរសវ័យចំណាស់ម្នាក់ ពីជើងទៅត្បូង ដល់ចំណុចកើតហេតុ ក៏មានរថយន្តដឹកឥដ្ឋ មកបុកពីក្រោមរថយន្តកូរ៉ូឡា ចំចំហៀងខាងក្រោយ រុញបុកផ្ទប់នឹងក្បាលព្រួញចែកទ្រូងផ្លូវ ពេញទំហឹងបណ្តាលឲ្យបាក់ផ្លាកចរាចរណ៍២ដើម ខ្ទេចរថយន្តយ៉ាងដំណំ តែសំណាងណាស់គ្មាននរណាម្នាក់ រងរបួសនោះទេ ។ ខណៈរថយន្តដឹកឥដ្ឋនោះ បានបន្តល្បឿនបើករត់មកដល់ក្បែរស្តុបបាគូ ទើបឈប់រថយន្តចោលរត់បាត់ ។

បន្ទាប់ពីកើតហេតុ សមត្ថកិច្ចបានបានធ្វើការវាស់វែង យករថយន្តទាំង២គ្រឿងទៅរក្សាទុកនៅអថិការដ្ឋាននគរបាលខណ្ឌដង្កោ ដើម្បីដោះស្រាយគ្នាតាមច្បាប់បន្តទៀត ៕ មេសា