រាជធានីភ្នំពេញ ៖ ករណីគ្រោះថ្នាក់ចរាចរណ៍ រវាងរថយន្តនិងរថយន្ត បានបុកគ្នា បណ្ដាលឲ្យរថយន្តរងការខូចខាតទាំងសង្ខាង ផ្អើលដល់បងប្អូនប្រជាពលរដ្ឋ និងសមត្ថកិច្ចចុះមកធ្វើការវាស់វែង កាលពីវេលាម៉ោង១០ យប់ ថ្ងៃទី២០ ខែកញ្ញា ឆ្នាំ២០២១ ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

ប្រភពព័ត៌មានពីបងប្អូនប្រជាពលរដ្ឋ បានអោយដឹងថា មុនពេលកើតហេតុ គេបានឃើញរថយន្ត Vigo មួយគ្រឿង ដែលពាក់ស្លាកលេខ ស្ទឹងត្រែង 2B-4546 បើកបរក្នុងទិសដៅពីជើងទៅត្បូង មកដល់ចំណុចកើតហេតុ ផ្លូវបំបែកជាបួន បានបុកគ្នាជាមួយនឹងរថយន្ត ឡិចស៊ីស មួយគ្រឿងដែលពាក់ ស្លាកលេខ ភ្នំពេញ 2AK-7069 ពេញមួយទំហឹងបណ្ដាលឲ្យរងការខូចខាតយ៉ាងដំណំ ខណៈភាគីរថយន្តទាំង២ បានប្រកែកគ្នាយកត្រូវរាងខ្លួនតឹងសសៃក។

ក្រោយពេលកើតហេតុ ដោយសារចចារគ្នាមិនត្រូវ សមត្ថកិច្ចបានធ្វើការវាស់វែង យករថយន្តនិងរថយន្ដទាំង២គ្រឿង ទៅរក្សាទុកនៅអធិការនគរបាលខណ្ឌពោធិ៍សែនជ័យ ដើម្បីរង់ចាំភាគីទាំងសងខាង ចូលមកដោះស្រាយគ្នាទៅតាមផ្លូវច្បាប់បន្តទៀត ៕ Mrr Tra