រាជធានីភ្នំពេញ ៖ រថយន្ដមួយគ្រឿង សង្ស័យបើកក្នុងល្បឿនលឿន បានទៅបុករបងមន្ទីរសម្រាកព្យាបាល នីអូឡាហ៍្វ បណ្ដាលឲ្យរងការខូចខាតយ៉ាងដំណំ នៅតាមបណ្ដោយផ្លូវលេខ ៥៩៨ ស្ថិតនៅសង្កាត់បឹងកក់ទី២ ខណ្ឌទួលគោក រាជធានីភ្នំពេញ វេលាម៉ោង១០យប់ថ្ងៃទី ២២ ខែកញ្ញា ឆ្នាំ២០២១ ។

ប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្តហាយឡែនឌ័រ មួយគ្រឿង ពាក់ស្លាកលេខ ភ្នំពេញ 2BA-3893 បើកក្នុងទិសដៅពីកើតមកលិច មកដល់ស្តុបផ្លូវ ៥៩៨ ក៏បានបើកយ៉ាងលឿនទៅបុកចូលក្នុងសម្ភពព្យាបាល នីអូឡាហ៍្វ បណ្ដាលឲ្យរថយន្តរងការខូចខាតមួយកំណាត់មុខ។ ចំណែកឯរបងមន្ទីរសម្រាកព្យាបាល រងការខូចខាតអស់ជាច្រើន សំណាងណាស់គ្មានរណាម្នាក់ រងរបួសនោះឡើយ។

ក្រោយកើតហេតុ សមត្ថកិច្ចបានចុះមកដល់ទីតាំងកើតហេតុ និងបានឲ្យភាគីរថយន្តបង្ក សងសំណងទៅកាន់មន្ទីរសម្រាកព្យាបាល នីអូឡាហ៍្វ ដើម្បីបញ្ចប់រឿងផងដែរ ៕ Mrr Ka