រាជធានីភ្នំពេញ ៖ រថយន្ដ២គ្រឿង បើកបរខ្វះការប្រុងប្រយត្ន័បានបុកគ្នាប៉ះគ្នា បណ្តាលឲ្យរងការខូចខាតទាំងសងខាង កាលពីវេលាម៉ោង៨យប់ ថ្ងៃទី២២ ខែកញ្ញា ឆ្នាំ២០២១ នៅក្នុងសង្កាត់ទួលសង្កែ ខណ្ឌទួលគោក រាជធានីភ្នំពេញ ។

ប្រភពព័ត៌មានពីបងប្អូនប្រជាពលរដ្ឋបានអោយដឹងថា មុនពេលកើតហេតុ គេបានឃើញរថយន្តម៉ាក Vigo មួយគ្រឿង ដែលពាក់ស្លាក់លេខ ភ្នំពេញ 2AJ-6405 បើកបរក្នុងទិសដៅពីកើតមកលិច មកដល់ចំណុចកើតហេតុ មិនដឹងយ៉ាងម៉េច ក៏ប៉ះគ្នាជាមួយ នឹងរថយន្តម៉ាកហាយឡែនឌ័រ មួយគ្រឿង ដែលពាក់ ស្លាកលេខ ភ្នំពេញ 2AB-4661 បណ្ដាលឲ្យរងការខូចខាតយ៉ាងដំណំ ដោយភាគីរថយន្តទាំង២ បានប្រកែកគ្នាតឹងសសៃក រកខុសរកត្រូវរាងខ្លួន។

ក្រោយកើតហេតុសមត្ថកិច្ចបានចុះមកធ្វើការវាស់វែង យករថយន្តទាំង២គ្រឿង ទៅរក្សាទុកនៅអធិការដ្ឋាននគរបាលខណ្ឌឫស្សីកែវ ដើម្បីរង់ចាំភាគីទាំងសងខាង ចូលមកដោះស្រាយគ្នាទៅតាមផ្លូវច្បាប់ ៕ Mrr Ka