រាជធានីភ្នំពេញ ៖ ករណីគ្រោះថ្នាក់ចរាចរណ៍មួយបានកើតឡើង រវាងរថយន្ដព្រូសមួយគ្រឿង បានបុកគ្នាជាមួយនិងរថយន្ដក្រុង បណ្ដាលឲ្យរងការខូចខាតយ៉ាងដំណំ បង្កការភ្ញាក់ផ្អើលនៅវេលាម៉ោង ៩ និង ៤២ នាទីយប់ ថ្ងៃទី២៤ ខែកញ្ញា ឆ្នាំ២០២១ នៅតាមបណ្ដោយផ្លូវ ២០២កែងផ្លូវម៉ៅសេទុង ក្នុងសង្កាត់ផ្សារដើមគរ ខណ្ឌទួលគោក រាជធានីភ្នំពេញ។

តាមប្រភពព័ត៌មានបានឲ្យដឹងថា មុនពេលកើតហេតុ គេបានឃើញរថយន្តព្រូសមួយគ្រឿង ពាក់ស្លាកលេខ កណ្ដាល 2B-1186 ធ្វើដំណើរតាមបណ្ដោយផ្លូវ ២០២ មកដល់ផ្លូវបំបែកជាបួន ក៏បានបុកគ្នាជាមួយនឹងរថយន្តក្រុងធុនធំមួយគ្រឿង ដែលពាក់ស្លាកលេខ ភ្នំពេញ 3C-1148 បណ្ដាលឲ្យរថយន្តព្រុស បុកជញ្ជាំងអតីតម៉ង់ឌីយ៉ាល់ ជាប់រងការខូចខាតយ៉ាងដំណំ ។

ក្រោយពេលកើតហេតុ សមត្ថកិច្ចជំនាញចរាចរណ៍ របស់អធិការនគរបាលខណ្ឌទួលគោក បានចុះមកធ្វើការវាស់វែង និងឲ្យភាគីទាំងសងខាងសម្របសម្រួលគ្នា នៅនឹងកន្លែងកើតហេតុដើម្បីបញ្ចប់រឿងផងដែរ ៕ Mrr Ka