ខេត្តបាត់ដំបង ៖ យោងតាមផេក ស្នងការដ្ឋាននគរបាលខេត្តបាត់ដំបង បានឲ្យដឹងថា នាថ្ងៃទី២៤ ខែកញ្ញា ឆ្នាំ២០២១ សមត្ថកិច្ចបានចុះបង្ក្រាបនិងឃាត់ខ្លួនមនុស្ស១២នាក់ កំពុងប្រមូលផ្តុំគ្នាប្រើប្រាស់គ្រឿងញៀនក្នុងផ្ទះសំណាក់មួយកន្លែង ក្នុងភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង។

ក្នុងនោះសមត្ថកិច្ចបានធ្វើការឃាត់ខ្លួន មុខសញ្ញាជាក្រុមយុវជនប្រុសស្រី ចំនួន ១២នាក់ ព្រមទាំងដកហូតបានរួមមាន៖

-ថ្នំាញៀនប្រភេទ កេតាមីន Ketamine ចំនួន ០២ថង់ទម្ងន់ ១,៣១ក្រាម

-ថ្នំាញៀនប្រភេទអ៊ិចស្តាស៊ី MDMA ចំនួន ០១ចំហៀងទម្ងន់ ០,២៣ក្រាម

-សម្ភារៈសម្រាប់ប្រើប្រាស់គ្រឿងញៀនមួយចំនួនទៀត។

ពេលនេះសមត្ថកិច្ចនគរបាលបានរៀបចំសំណុំរឿងបញ្ជូនទៅតុលាការដើម្បីអនុវត្តតាមផ្លូវច្បាប់៕