រាជធានីភ្នំពេញ ៖ រថយន្ត២គ្រឿង បុកគ្នាពេញមួយទំហឹង ចំផ្លូវបំបែកជាបួន បណ្ដាលឲ្យរងការខូចខាតយ៉ាងដំណំ កាលពីវេលាម៉ោង១២យប់ ឈានចូលថ្ងៃទី២៧ ខែកញ្ញា ឆ្នាំ២០២១ នៅចំណុចផ្លូវ ២០០៤ និងផ្លូវណតប្រ៊ីត ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ ។

ប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្ដម៉ាកតូយ៉ូតាហ្វ័រថូន័រ មួយគ្រឿង ដែលពាក់ស្លាកលេខភ្នំពេញ 2BB-9956 ក្នុងទិសដៅពីលិចទៅកើត មកដល់ចំណុចកើតហេតុ ក៏បានជួបគ្រោះថ្នាក់ចរាចរណ៍រវាងរថយន្ដមួយគ្រឿងទៀត ម៉ាកព្រុស ដែលពាក់ស្លាកលេខភ្នំពេញ 2AX-4082 បើកបរដោយជនបរទេស ក្នុងទិសដៅពីជើងទៅត្បូង បានបុកគ្នាចំផ្លូវបំបែកជាបួន ពេញទំហឹង បណ្ដាលអោយរថយន្ដទាំង២គ្រឿង រងការខូចខាតទាំងសងខាង តែម្តងសំណាងគ្មាននរណាម្នាក់ រងរបួសនោះអ្វីនោះទេគ្រាន់តែរងការខូចខាតរថយន្តតែប៉ុណ្ណោះ។

ក្រោយពេលកើតហេតុ សមត្ថកិច្ចជំនាញអធិការនគរបាលខណ្ឌសែនសុខ បានមកដល់បានធ្វើការវាស់វែង យករថយន្តទាំង២គ្រឿង ទៅរក្សាទុកនៅអធិការដ្ឋានដើម្បីរង់ចាំដោះស្រាយគ្នានៅពេលក្រោយតាមច្បាប់បន្តទៀត៕ Mrr Ka