ខេត្តព្រះសីហនុ ៖ សមត្ថកិច្ចកងរាជអាវុធហត្ថស្រុកកំពង់សិលាបានដឹងថា នៅវេលាម៉ោង ១និង៤០នាទីរសៀល ថ្ងៃទី៣០ ខែកញ្ញា ឆ្នាំ២០២១ នៅចន្លោះ គីឡូម៉ែត្រលេខ ១២០-១២១ ក្នុងភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង ដោយរថយន្ត របស់ក្រុមហ៊ុន ដឹកជញ្ជូនប្រេង កម្ពុជាតេលា បានរេចង្កូតក្រឡាប់ផ្ងារជើង។

រថយន្តនោះ ពាក់ស្លាកលេខ ភ្នំពេញ 4A-3002 ពណ៌ទឹកប្រាក់ មកដល់កន្លែងកើតហេតុ បានរេចង្កូតក្រឡាប់ និងពុំមានអ្នករងរបួសឡើយ។ ចំពោះអ្នក បើកបររថយន្ត បានរត់គេចខ្លួនបាត់។

ក្រោយកើតហេតុ ខាងម្ចាស់ក្រុមហ៊ុនដឹកជញ្ជូនកម្ពុជាតេលា កំពុងឲ្យជំនាញបច្ចេកទេស យករថយន្តមកបន្ថែមទៀត ដើម្បីបូមប្រេងសាំង ចេញពីរថយន្តនោះ ៕ សំណាង