ខេត្ត តាកែវ ៖ អគ្គិភ័យមួយបានឆាបឆេះ ការ៉ាស់សាំងមួយកន្លែងយ៉ាងសន្ធោសន្ធៅ ផ្អើលខ្លាំងដល់បងប្អូនប្រជាពលរដ្ឋ រួមទាំងសមត្ថកិច្ចចុះមកធ្វើការអន្តរាគមន៍បាញ់ពន្លត់ កាលពីវេលាម៉ោង ២និង ១៥នាទី រសៀលថ្ងៃទី១ ខែតុលា ឆ្នាំ២០២១ នៅ ភូមិ តានប់ ឃុំ ត្នោត ស្រុក បាទី ខេត្ត តាកែវ ។

សមត្ថកិច្ចបានឲ្យដឹងថា ម្ចាស់ ដេប៉ូ សាំងតេលារបស់ការ៉ាស់សាំងខាងលើ មានឈ្មោះ ជុក ហួច ដោយមានប្រពន្ធ ឈ្មោះ ហន ស្រីនាង មាន ទី លំនៅ កន្លែងកើតហេតុ ខាង លើ ។

ក្នុងនោះ អគ្គិភ័យនេះ បានឆេះបំផ្លាញរថយន្តបែន ចំនួន ០១ គ្រឿង ស្មើរនឹង ទឹក ប្រាក់ ចំនួន ២៧,០០០ ដុល្លារ ,ខោអាវ សម្រាប់ លក់ ,ប្រេង -សាំង ,កង់ បី ចំនួន ០១ គ្រឿង , ដេប៉ូ សាំង តេលា ទំហំ ២០x២៧ ម៉ែត្រ , តុទូ, ភេសជ្ជៈ ស្រាបៀរ ចំនួន ២៥ កេះ, ម៉ូតូ គុបចំនួន ០១ គ្រឿង , ម៉ូតូ សង់ ចំនួន ០១ គ្រឿង, គ្រែចំនួន ០៣ , ទូរ ក្លា ហ្សេ ចំនួន ០១ , ម៉ាស៊ីន បោក ខោអាវ ចំនួន ០១, ទូចាក់ សាំង ចំនួន ០២ គ្រឿង , ម៉ាស៊ីន ភ្លើង ចំនួន ០១ គ្រឿង , ម៉ូទ័រ បូម ទឹក ចំនួន ០១ គ្រឿង , អង្ករ ចំនួន ០២ បាវ, ម៉ូទ័រ លាង រថយន្ត និង ធុង ខ្យល់ , កង់ ជិះ ចំនួន ០២ គ្រឿង សរុប ជា ទឹក ប្រាក់ ចំនួន ៦៧,៧០០ ដុល្លារ នឹង ៥,៣០០០០០ រៀល ។

សូមបញ្ជាក់ថា ក្នុងរង្វង់ប្រតិបត្តិការនៃការបាញ់ពន្លត់នេះ កម្លាំង អន្តរាគមន៍ ពន្លត់ អគ្គិភ័យ បាន ប្រើប្រាស់រថយន្ត ចំនួន ០២ គ្រឿង ក្នុង នោះ រថយន្ត របស់ ស្រុក បាទី ប្រើប្រាស់ទឹក អស់ ចំនួន ០៤ រថយន្ត និង រថយន្ត របស់ ស្រុក ព្រៃ កប្បាស ប្រើប្រាស់ទឹក អស់ ចំនួន ០១ រថយន្ត ផងដែរ និងមិនបាន ឆ្លង រាលដាល ដល់ ផ្ទះ អ្នក ជិត ខាង ឡើយ ។ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ