ខេត្តកំពត ៖ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ដោយអនុវត្តតាមបទបញ្ជារបស់លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត កម្លាំងនគរបាលព្រហ្មទណ្ឌ នៃស្នងការដ្ឋាននគរបាលខេត្ត បានធ្វើការបង្ក្រាបឃាត់ខ្លួនបក្ខពួកក្រុមក្មេងទំនើង០២ក្រុមភ្លាមៗ ដែលបានបង្ករភាពអនាធិបតេយ្យ វាយតប់គ្នា ដោយសារ ខឹងមើលមុខបានចង្អុលដាក់គ្នា រួចបានយកដុំថ្មគប់លើគ្នាទៅវិញទៅមក នៅចំណុចរមនីយដ្ឋានតាដា ក្នុងភូមិស្នំប្រាំពីរ ឃុំម៉ាកប្រាង្គ ស្រុកទឹកឈូ ខេត្តកំពត វេលាម៉ោង១១ និង៣០នាទី ថ្ងៃទី១ ខែតុលា ឆ្នាំ២០២១។

សមត្ថកិច្ចបានឲ្យដឹងថា ជុំវិញករណីនេះ កម្លាំងបានធ្វើការឃាត់ខ្លួនបានជនសង្ស័យ១៥នាក់ រួមមាន ២ក្រុម ៖ ក្រុមទី១ ឃាត់ខ្លួន ៦នាក់(ស្រី២នាក់) ៖

១-ឈ្មោះណុប សៅមន្នីរិទ្ធ ភេទប្រុស អាយុ១៦ឆ្នាំ នៅភូមិ៧ សង្កាត់បឹងព្រលិត ខណ្ឌ៧មករា ជិះម៉ូតូនិច ពណ៌ស ២០២០ ពាក់ស្លាកលេខ ភ្នំពេញ 1GL.7653។

២-ឈ្មោះគឹម លី ភេទប្រុស អាយុ១៧ឆ្នាំ នៅសង្កាត់បឹងកេងកង២ ខណ្ឌចំការមន។

៣-ថោង បញ្ចបាន ភេទប្រុស អាយុ១៧ឆ្នាំ នៅភូមិត្នោតជ្រុំ៣ សង្កាត់បឹងទំពន់ ខ័ណ្ឌមានជ័យ។

៤-ឈ្មោះហេង វិបុល ភេទប្រុស អាយុ១៧ឆ្នាំ នៅភូមិសន្សំកុសល សង្កាត់បឹងទំពន់ ជិះម៉ូតូ ស្គុបពី ពណ៌ស ២០២០ ។

៥-ឈ្មោះហាន់ សុខលីស្សា ភេទស្រី អាយុ១៦ឆ្នាំ នៅភូមិសន្សំកុសល់ សង្កាត់បឹងទំពន់។

៦-ឈ្មោះសាន វីរះស្រីលាភ ភេទស្រី អាយុ១៦ឆ្នាំ នៅសង្កាត់បឹងកេងកង២ ខណ្ឌចំការមន។

ចំណែកឯក្រុមទី២ ឃាត់ខ្លួន៩នាក់(ស្រី៣នាក់) រួមមាន ៖

១-ឈ្មោះគឹម សំបូរ ភេទប្រុស អាយុ២១ឆ្នាំ នៅភូមិសាមគ្គី សង្កាត់ត្រពាំងក្រសាំង ខណ្ឌ ពោធិសែនជ័យ រាជធានីភ្នំពេញ ។

២-ឈ្មោះចាន់ វិជ្ជា ភេទប្រុស អាយុ២៤ឆ្នាំ នៅភូមិជង្រុក សង្កាត់ត្រពាំងក្រសាំង ខ័ណ្ឌ ពោសែនជ័យ ជិះម៉ូតូស្គុបពី ស លាយផ្កាឈូក ស៊េរី២០២០ ភ្នំពេញ1IV-5280។

៣-ឈ្មោះ វីរៈ សូវីរ៉ា ភេទស្រី អាយុ១៨ឆ្នាំ នៅភូមិត្រពាំងពោធិ សង្កាត់ចោមចៅ៣ ខ័ណ្ឌ ពោធិសែនជ័យ ជិះម៉ូតូស្គុបពី ២០២០ ពណ៌ស ភ្នំពេញ 1HY-6741។

៤-ឈ្មោះរ៉ាន់ សុវណ្ណរាជ ភេទប្រុស អាយុ១៨ឆ្នាំ នៅភូមិត្រពាំងពោធិ សង្កាត់ចោមចៅ៣ ខណ្ឌ ពោធិ៍សែនជ័យ រាជធានីភ្នំពេញ ។

៥-ឈ្មោះហុង រ៉ាវី ភេទប្រុស អាយុ១៦ឆ្នាំ នៅភូមិសាមគ្គី៦ សង្កាត់ត្រពាំងក្រសាំង ខណ្ឌសែនជ័យ រាជធានីភ្នំពេញ ។

៦-ឈ្មោះអ៊ាន ធារិទ្ធិ ភេទប្រុស អាយុ២០ឆ្នាំ នៅភូមិព្រៃព្រីងខ.ត សង្កាត់ចោមចៅ ខណ្ឌពោធិសែនជ័យ។

៧-ឈ្មោះទូច មករា ភេទប្រុស អាយុ២២ឆ្នាំ នៅភូមិត្រពងអណ្តូង សង្កាត់ត្រពាំក្រសាំង ខណ្ឌពោធិសែនជ័យ រាជធានីភ្នំពេញ ។

៨-ឈ្មោះសិន ប៉ោទ្រី ភេទប្រុស អាយុ២១ឆ្នាំ នៅភូមិត្រពាំងក្រសាំង ខណ្ឌពោសែនជ័យ ជិះម៉ូតូសង់ ២០២១ ពណ៌ខ្មៅ ផ្លាកលេខភ្នំពេញ1IU- 4851។

៩-ឈ្មោះប៉ែន សុភាវីរះ ភេទប្រុស អាយុ១៩ឆ្នាំ នៅភូមិសាមគ្គី៤ សង្កាត់ត្រពងក្រស ខ័ណ្ឌ ពោធិសែនជ័យ រាជធានីភ្នំពេញ ជិះម៉ូតូសង់២០២០ ពណ៌ក្រហម ពាក់ផ្លាកលេខ ភ្នំពេញ1IL-1167 ។

បច្ចុប្បន្ន ក្រុមក្មេងទំនើងទាំង០២ក្រុម ត្រូវបានសមត្ថកិច្ច ធ្វើការបញ្ជូនខ្លួន មកកាន់ស្នងការដ្ឋាននគរបាលខេត្តកំពត ដើម្បីចាត់ការតាមនីតិវិធីច្បាប់ ៕