រាជធានីភ្នំពេញ ៖ អគ្គិភ័យមួយបានឆាបឆេះផ្ទះមួយកន្លែង បង្កការភ្ញាក់ផ្អើលដល់បងប្អូនប្រជាពលរដ្ឋ រួមទាំងកម្លាំងរថយន្តពន្លត់អគ្គិភ័យចុះមកធ្វើការបាញ់ពន្លត់ កាលពីវេលាម៉ោង១ រសៀល ថ្ងៃទី៧ ខែតុលា ឆ្នាំ២០២១ នៅតាមបណ្តោយផ្លូវបេតុង ក្រុម ៨ ភូមិទួលសង្កែ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ ។

សមត្ថកិច្ចបានឲ្យដឹងថា ផ្ទះដែលឆាបឆេះនេះ មានម្ចាស់ឈ្មោះ ឆាំ គាន ភេទ ប្រុស អាយុ៥៨ឆ្នាំ ត្រូវបានអគ្គិភ័យឆេះប្រភេទថ្មបេតុង (៤ម៉ែត្រ ×១៦ម៉ែត្រ) ខូចខាតបន្ទប់ ទំហំ៣ម៉ែត្រ×៤ម៉ែត្រ) ពូកគ្រែ ឈើ ម៉ាស៊ីនត្រជាក់ និងពុំបានរាលដាលដល់ផ្ទះអ្នកជិតខាងឡើយ ។

ភ្លាមៗនោះ គេក៏បានឃើញ មានរថយន្ត អន្តរាគមន៍ របស់ ការិយា ល័យ អគ្គិភ័យ រាជធានីភ្នំពេញ ចំនួន ០២ គ្រឿង ប្រើប្រាស់ទឹកអស់ ០២ រថយន្ត ស្មើ០៤ម៉ែត្រគូប , រថយន្តជំនួយរបស់សាលាខណ្ឌឬស្សីកែវ ចំនួន ០១ គ្រឿង ក៏បានមកដល់ទីតាំងកើតហេតុផងដែរ តែពុំបាន ប្រើប្រាស់ទឹកនោះទេ និងបានរលត់ទៅវិញនៅម៉ោង ១និង២០នាទីរសៀល ថ្ងៃដដែល៕ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ