ខេត្តព្រះសីហនុ ៖ យោងតាមផេក នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានឲ្យដឹងថា មានករណីអគ្គិភ័យមួយបានឆាបឆេះ ផ្ទះប្រជាពលរដ្ឋចំនួន ៤ខ្នង យ៉ាងសន្ធោសន្ធៅ កាលពីវេលាម៉ោង ៨និង១០នាទីព្រឹក ថ្ងៃទី៧ ខែតុលា ឆ្នាំ២០២១ នៅភូមិកោះតូច សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ ។

សមត្ថកិច្ចបានឲ្យដឹងថា ករណីអគ្គិភ័យនេះ ផ្តើមចេញពីការផ្ទុះធុងហ្គាស ចេញពីផ្ទះលោក ហាប់ សៀកលី ជួលទៅអោយលោក ប៊ុន ថន លក់បាយ បណ្តាលឲ្យ ឆេះខូចខាតរាលដាលដល់ផ្ទះផ្សេងទៀត សរុបផ្ទះ០៤ល្វែងរួមមាន៖

+ ទី១ផ្ទះ របស់ ឈ្មោះ ហាប់ សៀកលី ត្រូវបានឆេះអស់២ល្វែង ១ ល្វែងឆេះទាំងស្រុង និង១ល្វែងទៀត ឆេះអស់ ១០ ភាគរយ (ត្រង់ដំបូលផ្ទះ) ដែលមានទំហំ ០៥ x២០ ម៉ែត្រ សាងសង់ដោយ ដើមឬស្សី ដំបូលប្រកស័ង្កសី និង ស៊ីប្រូ ។

+ ទី២ផ្ទះរបស់ ឈ្មោះ ឃួន កា ត្រូវបានឆេះអស់២ល្វែង ១ល្វែងឆេះអស់៦០ ភាគរយ ផ្នែកខាងជាន់លើ និង១ល្វែងទៀត ឆេះអស់១០ភាគរយ ដែលមានទំហំ ០៥ x២០ ម៉ែត្រ សាងសង់អំពីឈើ ដំបូលប្រកស័ង្កសី និង មួយល្វែងទៀតប្រកស៊ីប្រូ ផលបះពាល់អស់ ១០ ភាគរយ (ត្រង់ដំបូលផ្ទះ) ។

សូមបញ្ជាក់ផងដែរថា ករណីខាងលើនេះ ក៏បានបណ្តាលឲ្យស្ត្រីម្នាក់រងរបួសរលាកភ្លើងមួយចំហៀងខ្លួន ផងដែរ ដែលគាត់មានឈ្មោះ ទៅ បឿន ភេទ ស្រី អាយុ ៣៤ ឆ្នាំ កំពុងសម្រាកព្យាបាលនៅផ្ទះ ៕