រាជធានីភ្នំពេញ ៖ បុរសម្នាក់ឃើញម៉ាសុីត្រជាក់បំពាក់នៅលើជាន់ទី១ ហៀរទឹក ខំឡើងជូតទឹក បែជាឆ្លងឆក់ស្លាប់ មួយរំពេច ហេតុការណ៍នេះដែលបានកើយ កាលពីវេលាម៉ោង១១ និង០០នាទីព្រឹក ថ្ងៃទី០៩ ខែតុលា ឆ្នាំ២០២១ នៅផ្ទះលេខ២៤សេ ផ្លូវបេតុងលេខ២ ក្នុងភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។

សមត្ថកិច្ចបានឲ្យដឹងថា សពជនរងគ្រោះឈ្មោះ យ៉ាន់ ប្រសិទ្ធ ភេទប្រុស អាយុ៣៤ឆ្នាំ មុខរបរ បុគ្គលិកធនាគារ មានប្រពន្ធឈ្មោះ លី សុខគៀង អាយុ ២៩ឆ្នាំ មុខរបរ បុគ្គលិកធនាគារ មានទីលំនៅ ផ្ទះកើតហេតុខាងលើ និងមានផ្ទះមួយកន្លែងទៀត នៅសង្កាត់កំបូល ខណ្ឌកំបូល រាជធានីភ្នំពេញ ។

តាមយោងតាមប្រភពព័ត៌មានពីក្រុមគ្រួសាររបស់ជនរងគ្រោះបានបញ្ជាក់ប្រាប់ក្រុមការងារ TVFB បានឲ្យដឹងថា មុនកើតហេតុ ដោយជនរងគ្រោះឃើញ ក្បាលម៉ាសុីនត្រជាក់ដែលចាប់បំពាក់នៅលើជាន់ទី១ ដាក់នៅយ៉ាកនៅខាងមុខ មានការហៀរទឹកកកខ្លាំង មកលើឥដ្ឋ ឃើញដូច្នោះជនរងគ្រោះ ឡើងទៅជូត ដោយបាត់យូរពេកម្យ៉ាងដល់ម៉ោងហូបបាយផង ក្រុមគ្រួសារបាត់យូរពេកក៏ឡើងទៅតាមហៅ ស្រាប់តែប្រទះឃើញដេកស្លាប់ទៅហើយ ។

ក្រោយពីកើតហេតុកម្លាំងសមត្ថកិច្ចជំនាញធ្វើការពិនិត្យ និងធ្វើកោសល្យវិច័យ ទៅលើសាកសពបុរសខាងលើពិតជាស្លាប់ដោយសារឆ្លងចរន្តអគ្គិសនីពិតប្រាកដមែន។ និងបានប្រគល់សាកសព ជូនក្រុមគ្រួសារដើម្បីចាត់ចែង រៀបចំធ្វើបុណ្យតាមប្រពៃណី ៕ មេសា